“Mikrokreditbank” aksiyadorlik-tijorat banki bugungi kunda oʼzining xorijiy kredit liniyalari orqali jalb qilingan mablagʼlari bilan iqtisodiyotning real sektori korxonalarini modernizatsiya qilish, texnik va texnologik qayta jihozlash hamda ishlab chiqarishni diversifikatsiyalashga doir investitsiya loyihalarini moliyaviy qoʼllab-quvvatlashga qaratilgan jarayonlarda faol ishtirok etib kelmoqda.
Mazkur saʼy-harakatlar koʼlamini kengaytirish maqsadida “Mikrokreditbank” АTB tomonidan moliyalashtirilgan Jizzax viloyati, Jizzax shahridagi “EURASIA Gilamlari” MChJga bir guruh respublika va mahalliy ommaviy axborot vositalari vakillari ishtirokida press-tur tashkil etildi. Press-tur davomida ishtirokchilar korxonada gilam ishlab chiqarish jarayoni bilan bevosita yaqindan tanishish imkoniga ega boʼlishdi.
Gilamlar toʻqish va ishlab chiqarish sohasi bizda qadimdan mavjud boʻlib kelgan. Avvallari har bir gilamning tayyorlanish jarayoni oʻrtacha 3 oydan 12 oygacha boʻlgan, bugun bu jarayon ancha zamonaviy tus oldi. Gilam ishlab chiqaruvchi maxsus mashinalar orqali gilam to’qish uchun ko‘p vaqt sarflanmayabdi. Shu sababdan ham yurtimizda bu soha jadal suratda rivоjlanmoqda. Jizzax viloyatidagi gilam va gilamchilik mahsulotlari ishlab chiqarish va sotish bilan shug‘ullanadigan “EURASIA Gilamlari” MChJ ham ana shunday korxonalardandir.
- Korxona loyihasining umumiy qiymati 2 065 215 EUROni tashkil etsa, shundan 500 ming AQSH dollari Mikrokreditbank tomonidan ajratilgan kredit summasiga to‘g‘ri keladi.
“Euroasia Gilamlari” MChJ loyihani amalga oshirish natijasida gilam va gilamchilik mahsulotlari ishlab chiqarish faoliyatini kengaytirib, Belgiya davlatidan qo‘shimcha gilam va gilam mahsulotlari ishlab chiqarish uskunalari (Высокопроизводительний двухрапирный станок для ткачества двухполотенных ковров Rug & Cаrpet Expert RCE2+400, бердо 1 600 ворсовых зуба на 4 020,(плотность 400з/м) 8 цветов, высокая навойная стойка, система Smart Frames SF6) sotib olinadi, unda ichki va tashqi bozor (eksport) uchun zamonaviy gilam va gilamchilik mahsulotlari ishlab chiqarish yo‘lga qo‘yadi.
Mahsulot ishlab chiqarish jarayonida paxta, jun, ipak, poliester, suprim, poliamid, neylon, olefin va boshqa xom ashyolar maxalliy va xorijiy ishlab chiqaruvchi Jamiyatlardan olinadi.
Zavodning yillik ishlab chiqarish quvvati 122 070 m.kv.bo'lib, loyihaning maqsadi, yurtimizda gilam mahsulotlari ishlab chiqarish hamda bu sohani yanada rivojlantirishdir. Ta’kidlash kerakki, korxonada ayni damda 115 ta yangi ish o‘rinlari yaratilgan bo‘lib, kelgusida korxona tomonidan Tabriz va Esfexan gilamlari ishlab chiqarish rejalashtirgan.
Ayni paytda korxona tomonidan ishlab chiqargan gilam va gilam mahsulotlarini ichki bozorda – respublikamizdagi bozorlar va yirik savdo markazlariga (66 foizini) hamda eksport uchun Tojikiston Respublikasiga (34 foizini) sotish rejalashtirgan.
Maʼlumot uchun, “Mikrokreditbank” АTB tomonidan joriy yil boshidan beri tadbirkorlik subʼektlarining investitsion loyihalarini moliyalashtirish uchun 108ta loyihaga 682 mlrd soʼm ekvivalentida mablagʼlar ajratildi. Shuningdek, yil yakuniga qadar bank tomonidan istiqbolli loyihalarni moliyaviy qoʼllab-quvvatlash borasida ishlar olib borilmoqda.
Bank Axborot xizmati
Yana ko‘ring
Brifing: 2025- yilda amalga oshirilgan ishlar va 2026- yilgi rejalar xususida
MKBANkning Xorazm viloyat hududiy boshqarmasi Markaziy bank tomonidan taqdirlandi
Ushbu yutuq va e’tirof jamoamizning masʼuliyatli hamda samarali mehnatining yaqqol ifodasidir.
