Mahallada tadbirkorlik faoliyatini yo‘lga qo‘yish, mavjud biznesni kengaytirish yoki yangi yo‘nalishni boshlash uchun moliyaviy mablag‘ zarur bo‘lishi mumkin. Bunday vaziyatda tadbirkor o‘z faoliyatining ko‘lami va ehtiyojidan kelib chiqib, tegishli kredit mahsulotidan foydalanishi mumkin. “Mikrokreditbank” ATB tomonidan mahallalarda tadbirkorlik faoliyatini rivojlantirishga yo‘naltirilgan “Mahalla tadbirkori” hamda “Biznesga birinchi qadam” kreditlari taklif etilmoqda.
Ushbu kreditlar orqali biznesni boshlash yoki rivojlantirish uchun zarur mablag‘larni jalb qilish imkoniyati mavjud.“Mahalla tadbirkori” krediti
Mazkur kredit o‘zini o‘zi band qilgan fuqarolar va tadbirkorlik subyektlarining biznes faoliyatini rivojlantirishga mo‘ljallangan. Kreditdan “Mikrokreditbank” ATBga biriktirilgan va boshqa tuman (shahar)larda yashovchi, o‘zini o‘zi band qilganligi bo‘yicha ro‘yxatdan o‘tganiga 6 oydan oshmagan O‘zbekiston Respublikasi fuqarolari foydalanishi mumkin.
Kredit miqdori:• jismoniy shaxslar uchun — 100 mln so‘mgacha;
• tadbirkorlik subyektlari uchun — 300 mln so‘mgacha.
Kredit muddati 24 oydan 84 oygacha, imtiyozli davri esa 12 oygacha etib belgilanadi. Foiz stavkasi — 21 foiz.
Masalan, mahallada tikuvchilik, qandolatchilik, xizmat ko‘rsatish yoki boshqa faoliyatni yo‘lga qo‘yishni rejalashtirayotgan fuqaro zarur uskuna, xomashyo yoki boshqa biznes xarajatlarini moliyalashtirish uchun ushbu kredit imkoniyatidan foydalanishi mumkin.
“Biznesga birinchi qadam” kreditiBiznes faoliyatini endigina boshlayotganlar uchun “Biznesga birinchi qadam” krediti ham moliyaviy imkoniyatlardan biridir. Ushbu kredit ham “Mikrokreditbank” ATBga biriktirilgan va boshqa tuman (shahar)larda yashovchi, o‘zini o‘zi band qilganligi bo‘yicha ro‘yxatdan o‘tganiga 6 oydan oshmagan O‘zbekiston Respublikasi fuqarolari hamda tadbirkorlik subyektlariga mo‘ljallangan.
Kredit 50 mln so‘mgacha miqdorda ajratilishi mumkin. Foiz stavkasi 21 foiz, imtiyozli davri esa 6 oygacha.Misol uchun, uy sharoitida xizmat ko‘rsatish yoki mahsulot ishlab chiqarish faoliyatini boshlamoqchi bo‘lgan tadbirkor dastlabki jihozlar, xomashyo va boshqa zarur xarajatlarni moliyalashtirish uchun ushbu imkoniyatdan foydalanishi mumkin.
Biznesingiz uchun zarur imkoniyatni tanlang!Har qanday biznes avvalo aniq reja va hisob-kitobdan boshlanadi. Kredit olishdan oldin mablag‘ning qanday maqsadda ishlatilishi, biznesdan kutilayotgan daromad va kredit to‘lovlarini amalga oshirish imkoniyatlarini hisobga olish muhim.
“Mahalla tadbirkori” krediti 100 mln so‘mgacha bo‘lgan mablag‘ga ehtiyoj sezayotgan jismoniy shaxslar hamda 300 mln so‘mgacha moliyalashtirish zarur bo‘lgan tadbirkorlik subyektlari uchun mo‘ljallangan bo‘lsa, “Biznesga birinchi qadam” krediti 50 mln so‘mgacha mablag‘ bilan biznes faoliyatini boshlash yoki rivojlantirish imkoniyatini beradi.
Tadbirkorlik g‘oyangizni aniq reja asosida amalga oshiring va mahallangizda yangi biznes imkoniyatlarini yarating.
Bank Axborot xizmati
Yana ko‘ring
SWIFT o‘tkazmalarida maxsus tarif: qo‘shimcha to‘lovlar bekor qilindi
Eksportni rivojlantirish uchun — 10 mln dollargacha moliyaviy resurs
Korrupsiya haqida xabar ber, adolat uchun kurash!
Jim turish – bu illatga ijozat berishdir.
