Bugun O‘zbekiston va Qozog‘iston o‘rtasidagi savdo hajmini oshirish va mintaqada kelajakdagi investitsiya loyihalarini qo‘llab-quvvatlashga katta e’tibor berilmoqda. Bu borada “Mikrokreditbank” ATB tomonidan ham xalqaro hamkorlik kelishuvlari imzolanmoqda. Navbatdagi hamkorlik ham O‘zbekiston va Qozog‘iston o‘rtasidagi iqtisodiy aloqalarni mustahkamlash yo‘lida muhim qadam bo‘lib, kelishuv summasi 10 million AQSh dollarini tashkil etadi.

Kelishuv shartlariga ko‘ra, "Mikrokreditbank" ATB mijozlariga kreditlar taqdim etishda zarur moliyaviy resurslar bilan qo‘llab-quvvatlaydi.

Imzolangan kelishuv O‘zbekistonda kichik va o‘rta biznesni rivojlantirish uchun qulay shart-sharoitlar yaratadi, mamlakatning eksport salohiyatini oshirishga yordam beradi. Moliyalashtirish olgan tadbirkorlar o‘z savdo bozorlarini kengaytirish, mahsulot va xizmatlar sifatini yaxshilash hamda xalqaro bozorda raqobatbardoshligini oshirish imkoniyatiga ega bo‘ladi.

Ta’kidlash kerakki, "Mikrokreditbank" ATB va "Qozog‘iston Eksport-kredit agentligi" AJ o‘rtasidagi kelishuv iqtisodiy hamkorlikni mustahkamlash va har ikkala mamlakatdagi biznesni qo‘llab-quvvatlash uchun bir qadamdir. Hamkorlik natijasida savdo hajmlarining sezilarli oshishiga va O‘zbekiston hamda Qozog‘istondagi tadbirkorlar uchun yangi imkoniyatlar eshigini ochadi.

Bank Axborot xizmati