Maʼlumki, Davlatimiz rahbari joriy yilning may hamda sentabr oylarida Germaniyaga tashrifi davomida bank moliya sohasida, jumladan, Germaniyaning “Deutsche Bank”, “Commerzbank”, “KfW” va “Landesbank” kabi eng yirik banklari bilan loyihalarni moliyalashtirish borasidagi hamkorlikni kengaytirish boʼyicha muhim kelishuvlarga erishgan edi.
Ushbu uchrashuvning mantiqiy davomi sifatida joriy yilning 9-12 oktabr kunlari “Mikrokreditbank” АTB xodimlaridan iborat delegatsiya Germaniyada boʼlishdi. Mazkur safar davomida bir qator kelishuvlarga erishilib, xorijiy tajriba bilan yaqindan tanishishdi.
Bank Boshqaruvi Raisi o‘rinbosari, departament direktorlari hamda hududiy filial rahbarlaridan iborat delegatsiya dastlab, Baden-Vyurttemberg shparkassalari assotsiatsiyasiga (SVBW) tashrif buyurishdi. Аssotsiatsiya rahbari tomonidan filial tizimlari va ularni qayta tartibga solish, raqamli banking, mijozlarni segmentatsiyalash, ixtisoslashuvlar mavzularida seminar o‘tkazildi.
Shuningdek, Shparkassalar akademiyasiga tashrif buyurilib, Аkademiya rahbari janob Аrnold va boshqa rahbar xodimlar shparkassalarning umumiy o‘qitish va malaka oshirish tizimi bilan tanishildi. Xizmatlarni sotish sohasida maxsus taʼlim yo‘llari va takliflari, sotuv yo‘nalishlari bo‘yicha ham seminar o‘tkazildi.
Delegatsiya aʼzolari Landsbank (Landesbank Baden-Württemberg (LBBW)) faoliyati bilan yaqindan tanishish imkoniga ham ega bo‘lishdi. Bankning savdoni moliyalashtirish va to‘lovlar bo‘yicha Bosh direktori janob Thomas Lehmpuhl (Managing Director, FI Trade Finance & Payments Services), Savdoni moliyalashtirish va to‘lovlar bo‘yicha direktorlar Irina Rausch (Director, FI Trade Finance & Payments Services) va Elvira Petrik (Director, FI Trade Finance & Payments Services) lar bilan ochiq muloqot tarzda fikr almashildi.
Uchrashuv davomida, Mikrokreditbank Boshqaruv raisi oʼrinbosari Ibrohim Mamadjanov bank va bankning asosiy moliyaviy ko‘rsatkichlari to‘g‘risida maʼlumot berdi. Shuningdek, tomonlar o‘zlarini qiziqtirgan savollarga javoblar olishdi.
Uchrashuv yakuniga ko’ra, Landsbank va Mikrokreditbank o‘rtasida uzoq muddatli moliyaviy resurslarni jalb qilish, xorijiy valyutadagi vakillik hisobvaraqlarini ochish hamda boshqa yo‘nalishlarda o‘zaro hamkorlik qilish bo‘yicha dastlabki kelishuvga erishildi.
Bundan tashqari delegatsiya aʼzolari Baden-Vyurttemberg hududidagi Ludwigsburg (Kreissparkasse Ludwigsburg) va Tübingen (Kreissparkasse Tübingen) shaharlarida joylashgan Shparkassa filiallari faoliyati bilan ham yaqindan tanishishdi.
Mazkur filiallarda mijozlarni qabul qilish, ular bilan uchrashuvlar tashkil etish, maslahatlar berish, bank mahsulotlarini mijozlarga sotish yo‘nalishlari, avvalambor filialda sotuvning yangicha tashkil etilishi hamda raqamli bank xizmatlari ko‘rsatish, tegishli marketing ishlarini tashkil etilganligi, “Aloqa markaz” faoliyati va boshqa yo‘nalishlar bo‘yicha xizmat ko‘rsatish jarayonlari haqida ma’lumotlarga ega bo’lishdi.
Qisqacha aytganda, Mikrokreditbank ATB xodimlari Germaniyaga qilgan safari davomida o’zaro tajriba almashish, yangi bilim va ko’nikmalarni o’zlashtirish, umuman olganda Baden-Vyurttemberg hududi Shparkkassalari amaliyoti qo‘llanilayotgan ilgʼor bank xizmatlari bilan yaqindan tanishib qaytishdi. Ushbu zamonaviy bank xizmatlarini amaliyotda qo’llash bo’yicha aniq chora-tadbirlarni belgilab olishdi.
Bank Аxborot xizmati
Yana ko‘ring
MKBANK: Zo‘ravonlikka yo‘l yo‘q!
Tadbirda xotin-qizlarni har qanday zo‘ravonlikdan, xususan, raqamli makondagi tahdidlardan himoya qilish muhim ekanligi ta’kidlandi.
Bayramda ish tartibimiz!
Dam olish kunlarida "MAVRID" ilovasidan 24/7 rejimda masofadan turib foydalanishingiz va barcha to‘lovlarni amalga oshirishingiz mumkin!
