Joriy yilning 18-21 may kunlari “Mikrokreditbank” ATBda korrupsiyaga qarshi kurashish menejment tizimini yanada takomillashtirish, xodimlarning bu boradagi bilim va ko‘nikmalarini oshirish maqsadida ISO 37001:2025 xalqaro standarti talablari asosida 4 kunlik o‘quv seminari tashkil etildi.
Mashg‘ulotlar bosh ofis va hududiy boshqamalardan kelgan tinglovchilar uchun oliy toifali xalqaro auditor Mirshohid Mirzaomonov tomonidan olib borilmoqda.
Seminarlar davomida ishtirokchilarga ISO 37001:2025ga muvofiq korrupsiyaga qarshi kurashish menejment tizimining asosiy tamoyillari, xalqaro standart talablari, korrupsion xavflarni aniqlash va baholash, korrupsiya tavakkalining oldini olish, korrupsiyaga qarshi kurashish madaniyati bo‘yicha olib borilayotgan tizimdagi yangiliklar, ichki nazorat mexanizmlarini kuchaytirish hamda xodimlarning mas’uliyatini oshirish bo‘yicha batafsil ma’lumotlar berilmoqda.
Shuningdek, seminar jarayonida amaliy mashg‘ulotlar, interaktiv muhokamalar va real vaziyatlar asosida tahlillar o‘tkazilib, tizimni bank faoliyatiga samarali joriy etish bo‘yicha tavsiyalar ishlab chiqildi.
Ta’kidlash kerakki, ISO 37001:2025 xalqaro standarti korrupsiyaning oldini olish, ochiqlik va shaffoflikni ta’minlash hamda tashkilotlarda halollik tamoyillarini mustahkamlashda muhim ahamiyat kasb etadi.
Bunday o‘quv seminarlari bank tizimida korrupsiyaga qarshi murosasiz muhitni shakllantirish, xodimlarning huquqiy madaniyatini yuksaltirish va xalqaro standartlarga mos boshqaruv tizimini rivojlantirishga xizmat qiladi.
Bank Axborot xizmati
Yana ko‘ring
MKBANK raqamli integratsiyalar va fintex yechimlar yo‘nalishida strategik hamkorlikka ochiq
MKBANK mijozlari uchun yangi imkoniyat — OlmaPay xalqaro pul o‘tkazmalari xizmati ishga tushirildi
Korrupsiya haqida xabar ber, adolat uchun kurash!
Jim turish – bu illatga ijozat berishdir.
