2026-yil 19-oktabr kuni Toshkent shahrida Markaziy bank tashabbusi bilan “Oydin gurunglar – 2026” xalqaro forumining ochilish marosimi bo‘lib o‘tdi. O‘zbek tili bayrami munosabati bilan ilm-fan, adabiyot, san’at va ma’rifat sohasi vakillari, tijorat banklari hamda hamkor tashkilotlarni bir joyga jamlagan tadbir katta tantanaga aylandi.
Mazkur forumda MKBANK moliyaviy ko‘magida va “Ijod nashr” nashriyoti bilan hamkorlikda chop etilgan “Chig‘anoq” loyihasining 10 ta kitobi taqdim etildi. Shuningdek, keyingi ishlar – yana 20 nafar ijodkorning kitoblarini nashr etishga tayyorgarlik ko‘rilayotgani qayd etildi.
Forum doirasida kitoblar va ma’rifiy loyihalar ko‘rgazmasi tashkil etildi. Shuningdek, ma’rifiy loyihalarni amalga oshirish va rivojlantirishga hissa qo‘shgan tijorat banklari hamda tashkilotlar vakillari taqdirlandi.
Forum dasturidan Markaziy bank tashabbusi bilan amalga oshirilayotgan “Moliyaviy bilimlar” loyiha taqdimoti, shuningdek, moliyaviy bilimlarni ommalashtirish va raqamli xavfsizlik masalalarini yoritishga qaratilgan “Daromad Kiberovchiga qarshi” komiksi taqdim etildi.
Tadbir davomida “Mahalla kutubxonasi” loyihasi va “Bitik.online” raqamli platformasi ham taqdim etildi. Mazkur tashabbuslar kitobxonlik madaniyatini rivojlantirish, ma’rifiy muhitni kengaytirish va bilim manbalaridan foydalanish imkoniyatlarini oshirishga qaratilgan.
“Oydin gurunglar – 2026” xalqaro ijodiy forumi 22–25-oktabr kunlari Xiva shahrida davom etadi.
Yana ko‘ring
Firibgarlar faol bo‘lishi mumkin — ehtiyot bo‘ling!
Mijozlar bilan ochiq muloqot:MKBANK aloqa kanallari orqali kelib tushgan murojaatlarni tahlil qildi
