“Mikrokreditbank” ATB xalqaro moliyaviy hamkorlik sohasida navbatdagi muhim yutuqqa erishdi. Bank Qozogʻistonning yetakchi moliya institutlari — “Qozogʻiston Xalq banki” AJ va “Altyn Bank” AJ bilan sindikat bitimi doirasida umumiy qiymati 15 million AQSH dollari miqdoridagi moliyaviy resurslarni muvaffaqiyatli jalb etdi.
Ta’kidlash kerakki, ushbu klub moliyalashtirish bitimi xorijiy moliyaviy institutlar tomonidan “Mikrokreditbank” ATBga boʻlgan yuqori darajadagi ishonchni yana bir bor tasdiqlaydi.
Asosiy maqsad — bank mijozlarining tashqi savdo bitimlarini moliyalashtirish, ularning eksport-import faoliyatini qoʻllab-quvvatlash va bu orqali xalqaro savdo aylanmasini kengaytirishdan iborat.
Jalb qilingan mablagʻlar qanday maqsadlarda ishlatiladi?
Mazkur moliyaviy resurslar asosan "Mikrokreditbank" mijozlari, ya’ni tadbirkorlik subyektlarini xalqaro savdo faoliyatida qo‘llab-quvvatlashga yo‘naltiriladi. Jumladan, xorijdan tovar sotib olish yoki mahsulotlarni chet elga eksport qilish bo‘yicha tuzilayotgan bitimlarni moliyalashtirish uchun zarur bo‘lgan mablag‘lar bilan ta’minlash ko‘zda tutilgan.
Asosiysi, ushbu resurslar bevosita kichik va o‘rta biznes vakillarining tadbirkorligini qo‘llab-quvvatlashga xizmat qiladi hamda ularning xalqaro bozorga chiqishda ishonchli va qulay moliyaviy ko‘makka ega bo‘lishlariga imkon yaratadi.
Mikrokreditbank ushbu yo‘nalishda foydali va moslashtirilgan moliyaviy xizmatlar orqali mamlakat tashqi savdo salohiyatining oshishiga hissa qo‘shishda davom etadi.
Bank Axborot xizmati
Yana ko‘ring
Marhamat BXM faoliyati yuzasidan bildirilgan murojaat o‘rganildi
Dam olish kunlari ham ishlaymiz!
