11-noyabr — O‘zbekiston kasaba uyushmalari kuni munosabati bilan MKBANKda “Mustaqillik va men” rasmlar tanlovi g‘oliblarini taqdirlash marosimi bo‘lib o‘tdi.
Bank kasaba uyushmasi qo‘mitasi tashabbusi bilan tashkil etilgan tanlovda ishtirok etgan bolajonlar o‘z rasmlari orqali Vatanga bo‘lgan mehr-muhabbati, yurtimizga sadoqati va mustaqillik haqidagi yorqin tasavvurlarini namoyon etdi.
Tanlovda g‘oliblikni qo‘lga kiritgan ishtirokchilarga tashakkurnoma va esdalik sovg‘alari topshirildi. G‘oliblarning quvonchi, yuzlaridagi tabassum va ijodiy yutuqlari tadbirga o‘zgacha ko‘tarinkilik bag‘ishladi.
Albatta, bunday tanlovlar bolalarning nafaqat iste’dodini namoyon etish, balki ularda o‘ziga ishonch, intilish va yaratuvchanlik fazilatlarini shakllantirishda ham muhim ahamiyat kasb etadi.
Zero, bolalarning beg‘ubor nigohi, ijodiy salohiyati va ezgu orzulari — yurtimizning yorqin kelajagiga qo‘yilgan muhim qadamdir!
Barcha ishtirokchilarni tabriklaymiz!
Yana ko‘ring
