Yoshlar bilan bevosita muloqot – bu Yangi O‘zbekiston siyosatining ustuvor tamoyili, jamiyat taraqqiyotining harakatlantiruvchi kuchidir.
“Mikrokreditbank” ATB tashabbusi bilan yo‘lga qo‘yilgan “Rahbar va yoshlar” uchrashuvlarining navbatdagisi Qashqadaryo viloyati Qarshi shahridagi yuridik texnikumi binosida bo‘lib o‘tdi. Tadbirda Boshqaruv raisi o‘rinbosari v.b. B.Allaniyazov, bank rahbariyati hamda faol va tashabbuskor yoshlar ishtirok etdi.
Uchrashuvda yoshlarga “Mikrokreditbank”da bugungi kunda yoshlarga yaratilayotgan sharoitlar va bank faoliyatining asosiy yo‘nalishlari, kelajakdagi rejalar hamda yoshlar uchun yaratilayotgan imkoniyatlar aniq faktlat bilan tushuntirildi.
Tadbir davomida 20 ga yaqin muammo va takliflar eshitildi, ulardan 10 tasi ayni jarayonning o‘zida hal etildi. Bu esa, yoshlar muammolariga befarq bo‘lmaslik, tezkor yechim va mas’uliyatli yondashuvning amaliyotdagi yaqqol isbotidir.
Shuningdek, muloqotda jamiyatdagi korrupsiya holatlari va unga qarshi murosasizlik haqida ham so‘z bordi. Ayniqsa, har bir yoshning “halollik vaksinasi” bilan himoyalangan bo‘lishi qilinajak ishlarida faqat o‘sishga xizmat qilishi ta’kidlandi. Poraxo‘rlikning jamiyatga, oilasiga salbiy ta’siri borasida misollar keltirilib, bankda korrupsion holatlarga duch kelganda aloqa kanallari orqali xabar berish lozimligi eslatib o‘tildi.
Uchrashuvda yoshlarning o‘z savollari va fikrlarini erkin bayon qilishga imkon tug‘ildi va bu samimiy muloqotga aylandi. Har bir savolga batafsil javob berilib, yoshlarning kelajakdagi rejalariga mos amaliy maslahatlar berildi
Eng asosiysi, bu uchrashuv yoshlarga faqat nazariy bilim emas, balki o‘z g‘oyalarini hayotga tatbiq etishda bank tomonidan qanday imkoniyatlar mavjudligi haqida aniq tasavvur berdi.
Bank Axborot xizmati
Boshqa yangiliklar
“Mavrid” mobil ilovasida “Antikor” boʻlimi!
