Har bir bola qalbida ijobiy hissiyotlar, hayajon va hayrat uygʻotishga qodir jonli sahna ijrosini boshqa joyda uchratish qiyin. Teatr – bu nafaqat tomosha, balki bolajonlar qalbida yaxshilik, doʻstlik, jasurlik va qiyin paytlarda oʻzgalarga yordam berish kabi ulugʻ fazilatlarni muhrlaydigan ibrat maktabidir.
Oʻzbekiston Respublikasi Prezidentining “Teatrlarning jamiyat madaniy hayotidagi ahamiyatini oshirish va ular faoliyatini yanada qoʻllab-quvvatlash chora-tadbirlari toʻgʻrisida”gi qarori ijrosini taʼminlash maqsadida “Mikrokreditbank” ATB tomonidan “Teatr — ibratxonadir” dasturi loyihasi amalga oshirilmoqda.
Ushbu tashabbus doirasida bankning Bosh ofisi, hududiy boshqarmalari, BXM va BXOlarda faoliyat yuritayotgan xodimlar hamda ularning oila aʼzolari uchun teatrlarga sayohatlar tashkil etilmoqda.
Qashqadaryo davlat qoʻgʻirchoq teatrida “Oʻtkir shoxli buqacha”,
Jizzax davlat qoʻgʻirchoq teatrida “Filcha”,
Xorazm davlat qoʻgʻirchoq teatrida “Sher va durroj”,
Navoiy davlat qoʻgʻirchoq teatrida “Laylakcha va qoʻriqchi”,
Surxondaryo davlat qoʻgʻirchoq teatrida “Sakkizinchi xazina” kabi teatr tomoshalariga ushbu viloyatdagi hududiy boshqarmalarning 300 nafar bank xodimlari va ularning farzandlari ishtiroki taʼminlandi.
“Mikrokreditbank” tomonidan amalga oshirilayotgan bu kabi madaniy loyihalar nafaqat xodimlar, balki ularning farzandlari uchun ham maʼnaviy olamni boyitishga xizmat qiladi.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
