Bugun yurtimiz bo‘ylab barcha umumta’lim muassasalarida yangi o‘quv yili boshlandi. Ayniqsa, minglab jajji o‘g‘il-qizlar uchun bu kun unutilmas hayajon va quvonchga boy.
Shunday qutlug‘ kunda “Mikrokreditbank” ATB Boshqaruv raisi M.Avazov o‘zi tahsil olgan Uchtepa tumanidagi 81-umumta’lim maktabiga tashrif buyurib, “Birinchi qo‘ng‘iroq” tadbirida ishtirok etdi.
Tadbirda so‘zga chiqqan M.Avazov barcha o‘quvchilarni, ayniqsa, maktab ostonasiga ilk bor qadam qo‘ygan 1-sinf o‘quvchilarini yangi o‘quv yili bilan tabriklab, ularga omad va zafarlar tiladi.
Eng quvonarlisi, tadbir davomida jajji bilimdonlarga 12 nomdagi o‘quv qurollaridan iborat “Prezident sovg‘alari” topshirildi.
Shuningdek, Boshqaruv raisi o‘zi tahsil olgan maktab kutubxonasiga 100 dan ortiq badiiy adabiyotlar to‘plamini sovg‘a qildi. Bu ezgu tashabbus yosh avlodning kitobga mehrini oshirish, ularning bilim va dunyoqarashini kengaytirishga xizmat qiladi.
Aziz bolajonlar, ilk qo‘ng‘iroq sadosi sizlarni buyuk orzular, yorqin kelajak va ulkan marralar sari boshlasin!
Ma’lumot o‘rnida: Jonajon O‘zbekistonimiz mustaqilligining 35 yilligi arafasida yurtimiz bo‘ylab 795 ming nafardan ortiq birinchi sinf o‘quvchisi katta hayot sari ilk qadamlarini qo‘ymoqda.
Bank Axborot xizmati
Yana ko‘ring
MAVRID TEZDA: xalqaro pul o‘tkazmalarini Mavrid orqali amalga oshiring
O‘z biznesingizni boshlash uchun 30 mln so‘mgacha!
