MKBANKda ulug‘ bobokalonlarimiz, 9-fevral — so‘z mulkining sultoni Alisher Navoiy tavalludining 583 yilligi hamda 14-fevral — shoh va shoir Zahiriddin Muhammad Bobur tavalludining 541 yilligi munosabati bilan "Buyuk siymolarni yod etib…." mavzusida ma‘naviy-ma‘rifiy tadbir tashkil etildi.
Tadbirda Oʻzbekistonda xizmat koʻrsatgan jurnalist, Yozuvchilar uyushmasi raisining maslahatchisi, shoir va publisist Salim Ashur hamda Yozuvchilar uyushmasi aʼzosi, shoir Shodi Otamurod va bank xodimlari qatnashishdi.
Tadbirda Navoiy ijodining betakror jihatlari, yuksak insoniy fazilatlari xususida qiziqarli bahs-munozaralar ham bo‘lib o‘tdi. Bobur o‘zbek tarixida tom ma’noda yirik shaxs. Uning tarixchi olim, zukko adib va dilbar shoir sifatida qoldirgan adabiy merosi bebahodir. Uning lirikasi adabiyotdagi o‘ziga xos lirika ekanligi mehmonlar tomonidan e’tirof etildi va adibning shoh sari “Boburnoma” haqida ma’lumot berildi.
Shuningdek, tadbir davomida xodimlar o‘rtasida Navoiy va Bobur ijodiga bag‘ishlangan qiziqarli viktorina tashkil etilib, buyuk siymolarning g‘azal va ruboiylarini yoddan o‘qib berganlarga hamda viktorina g‘oliblariga esdalik sovg‘alari topshirildi.
Tadbir so‘ngida Yozuvchilar uyushmasi tomonidan bank kutubxonasiga 200 dan ortiq turli nomdagi kitoblar jamlanmasi taqdim etildi.
Bank Axborot xizmati
Yana ko‘ring
“Cybercup 2025” — MKBANKda kibersport musobaqasi yakuniga yetdi!
Tadbirkorlar bilan uchrashuvlar davom etmoqda
Shuningdek, tumandagi tadbirkorlar faoliyatini rivojlantirish, ko'proq ish o'rinlari yaratish, yangi loyihalar uchun kreditlar ajratilishi va imtiyozli kreditlardan samarali foydalanish masalalari ham muhokama qilindi.
Qashqadaryoda “Rahbar va yoshlar” uchrashuvi samimiy suhbatga aylandi
Tadbir davomida 20 ga yaqin muammo va takliflar eshitildi, ulardan 10 tasi ayni jarayonning o‘zida hal etildi.
