Bugun MKBANKda 9-may – Xotira va qadrlash kuni munosabati bilan bank xodimlari orasida “Inson aziz, xotira-muqaddas” nomli madaniy-ma’rifiy tadbir o‘tkazildi.
Tadbirning bir qismi sifatida erta tongdan bank xodimlari uchun “Inson aziz, xotira-muqaddas” nomli chellenj tashkil etildi.
Shundan keyin bank xodimlari uchun tadbirning asosiy qismi boshlandi va unda baynalminal Afg‘on xalq Respublikasida internatsional xizmat burchini o‘tagan 1-bo‘lim boshlig‘i Eshtuktar Bo‘riyev bilan davra suhbati bo‘lib o‘tdi.
Davra suhbatida 1-bo‘lim boshlig‘i Eshtuktar Bo‘riyev o'z xotiralarini, bu ulug' kunlarga yetish oson bo'lmagani, tinchlik uchun minglab insonlar qoni to'kilganini, bunday qahramonlarni ushbu kunda yod etib, ular ko‘rsatgan mardlikni doimo yodda saqlashga chorlab qoldi. Shuningdek, bugungi tinchlik-osoyishtalikni qadrlab yashashimiz lozimligi yoshlarga uqtirildi.
Oʻzbekistonda 1999-yildan beri 9-may – Ikkinchi jahon urushida Germaniya magʻlub etilgan va Gʻarbiy frontda urush tugagan kunda Xotira va qadrlash kuni nishonlab kelinadi. Bu kunni shunday nomlash tashabbusi Oʻzbekistonning Birinchi Prezidenti Islom Karimovdan chiqqan.
Bir soʻz bilan aytganda, 9-may — fashizm ustidan qozonilgan gʻalaba kunigina emas, balki xalqimiz urush va tinchlikda koʻrgan katta fojialardan xulosa chiqarish, bugungi tinchlikning qadriga yetish kuni sifatida jamiyatimiz ongu shuuridan joy olgan qadriyatdir.
Bank Axborot xizmati
Yana ko‘ring
“Cybercup 2025” — MKBANKda kibersport musobaqasi yakuniga yetdi!
Tadbirkorlar bilan uchrashuvlar davom etmoqda
Shuningdek, tumandagi tadbirkorlar faoliyatini rivojlantirish, ko'proq ish o'rinlari yaratish, yangi loyihalar uchun kreditlar ajratilishi va imtiyozli kreditlardan samarali foydalanish masalalari ham muhokama qilindi.
Qashqadaryoda “Rahbar va yoshlar” uchrashuvi samimiy suhbatga aylandi
Tadbir davomida 20 ga yaqin muammo va takliflar eshitildi, ulardan 10 tasi ayni jarayonning o‘zida hal etildi.
