Xabaringiz bor, “Umumjahon Pul haftaligi” (Global money week) doirasida MKBANK ham respublikamizning turli hududlaridagi ta’lim muassasalarida moliyaviy savodxonlik va moliyaviy xavfsizlik bo‘yicha qator interaktiv uchrashuvlarni o‘tkazib kelmoqda.
Joriy yilda ham bank mutaxassislari tomonidan 9 ta viloyat – Buxoro, Farg‘ona, Jizzax, Samarqand, Navoiy, Qashqadaryo, Sirdaryo, Xorazm va Qoraqalpog‘iston Respublikasidagi maktablarda, shuningdek, Urganch davlat universiteti va Navoiy profi universitetida moliyaviy xavfsizlik, ya’ni pul jamg'arish madaniyatini shakllantirish, banklarga bo'lgan ishonchni oshirish, raqamli bank xizmatlaridan foydalanish bo'yicha ko'nikmalarni shakllantirish haqida mahorat darslari tashkil etildi.
Qiziqarli va munozaralarga boy bo‘lgan mazkur darslarda faol ishtirok etib, o‘z moliyaviy bilimlarini oshirganlarga bankimizning esdalik sovg‘alari topshirildi.
Ma’lumot uchun, “Umumjahon Pul haftaligi” (Global Money Week) tadbirlari Iqtisodiy hamkorlik va taraqqiyot tashkiloti (OECD) tashkilotchiligida dunyoning 170 dan ortiq mamlakatida, jumladan, O‘zbekistonda ham o‘tkazib kelinmoqda.
Yana ko‘ring
Obod yurtning go‘zal an’anasi hashardir
Korrupsiyasiz bank: MKBANKda navbatdagi o‘quv seminari tashkil etildi
Seminar davomida xodimlar o‘zlarini qiziqtirgan savollarga javob olish bilan birga, bu illatga birgalikda kurashish lozimligini bildirishdi.
