Mamlakatimizda aholining barcha qatlamlari o‘rtasida jismoniy tarbiya va sportni ommalashtirish, jismoniy qobiliyat va harakat faolligini oshirish, mehnat unumdorligini ko‘tarish hamda sog‘lom turmush tarzini shakllantirish maqsadida sport sinovlari tashkil etildi.
Ushbu sinovlarda turli tashkilotlar qatori MKBANK xodimlari ham faol ishtirok etib, yuqori natijalarga erishdi. Olimpiya zaxiralari kollejining Yengil atletika majmuasida o‘tkazilgan “Jismoniy tayyorgarlik darajasi” sinovlarida 70 nafarga yaqin xodim qatnashib, ulardan 43 nafari yuqori natija ko‘rsatdi.
Bugun ushbu sinovlarda g‘oliblikni qo‘lga kiritgan xodimlar Bank rahbariyati tomonidan Sport vazirligining esdalik sovg‘alari va ko‘krak nishonlari bilan taqdirlandi.
Natijalar quyidagicha:
Maxsus yo‘nalish bo‘yicha:
9 ta 1-o‘rin
3 ta 2-o‘rin
20 ta 3-o‘rin
Ixtiyoriy yo‘nalish bo‘yicha 11 nafar xodim g‘oliblikka loyiq ko‘rildi.
Tadbir davomida MKBANK Boshqaruv raisi o‘rinbosari Sh.Ibragimova so‘zga chiqib, sportni kundalik hayot tarziga aylantirgan va sinovlarda faol ishtirok etgan barcha xodimlarni tabrikladi.
E’tiborlisi, ushbu sport sinovlarida ayol-qizlarning ham faol ishtirok etgani va mukofotlangani bo‘ldi.
MKBANK – sog‘ tanda sog‘lom aql tarafdori!
Bank Axborot xizmati
Yana ko‘ring
Obod yurtning go‘zal an’anasi hashardir
Korrupsiyasiz bank: MKBANKda navbatdagi o‘quv seminari tashkil etildi
Seminar davomida xodimlar o‘zlarini qiziqtirgan savollarga javob olish bilan birga, bu illatga birgalikda kurashish lozimligini bildirishdi.
