Xotin-qizlar uchun ta'lim krediti

Kredit haqida

Kredit maqsadi: O‘zbekiston Respublikasidagi barcha oliy va professional ta'lim tashkilotlarida (O‘zbekiston Respublikasi hududidagi xorijiy, davlat, nodavlat, oliy va professional ta'lim tashkilotlari hamda ularning filiallarida) (keyingi o‘rinlarda – ta'lim tashkiloti) hamda qo‘shma ta'lim dasturlari bo‘yicha bakalavriat, shuningdek, magistraturaning kunduzgi ta'lim shaklida to‘lov-kontrakt asosida o‘qishga tavsiya etilgan yoki qabul qilingan, shuningdek, o‘qishini ko‘chirgan O‘zbekiston Respublikasi fuqarosi bo‘lgan talaba xotin-qizlarning to‘lov-kontrakt asosida tahsil olishi uchun beriladi.

Yillik foiz stavkasi: Foiz to‘lovlari to‘lig‘icha O‘zbekiston Respublikasi Moliya vazirligi huzuridagi Ta'lim kreditini moliyalashtirish jamg‘armasi mablag‘lari hisobidan qoplab beriladi.

Kreditning asosiy qarzini qaytarish muddati: Ta'lim tashkilotida ta'limning tegishli turi bo‘yicha rasmiy o‘qish muddati tugagandan so‘ng yettinchi oydan boshlab 7 yil

Kredit ajratishning eng yuqori miqdori: to‘lov-kontrakt shartnomasida belgilangan summa.

«Ijtimoiy himoya yagona reestri»ga kirgan oilalarning xotin-qizlariga ajratiladigan ta'lim kreditlari uchun garov va kafilliklar talab etilmaydi. Bu holatda ta'lim krediti "Birgalikda qarz oluvchi" taqdim qilingan holatda ajratiladi.

*Oliy ta'lim tashkilotlarining ikkinchi va undan yuqori kurs talabalari uchun fanlarni o'zlashtirishning o'rtacha ko'rsatkichi "3" dan past bo'lgan taqdirda to'lov kantrakt summasining ko'pi bilan 80 foizi miqdorida ajratiladi. ("Ijtimoiy himoya yagona reestri"ga kiritilgan oilalar farzandlari bundan mustasno).