Namangan viloyati Uchqo‘rg‘on tumanidagi “Saidikrom ota” xususiy korxonasi Prezidentimiz rahnamoligida tadbirkorlik faoliyatini rivojlantirish borasida yaratilgan imkoniyatlardan samarali foydalanib, iqtisodiy yuksalishga erishayotgan subyektlardan.
Umumiy yer maydoni 35 gektardan iborat korxonada 100 bosh qoramol, 50 sotixli hovuzda baliqning sazan, do‘ngpeshona turlari hamda 20 quti asalari parvarish qilinmoqda. Joriy yil boshida “Mikrokreditbank”ning Namangan viloyati bo‘limi ko‘magi bilan intensiv bog‘ ham barpo etilib, shaftoli va olmaning hosildor navlari ekildi.
Aholi dasturxonini noz-ne’matlar, go‘sht va baliq mahsulotlari bilan ta’minlashga hissa qo‘shayotgan korxona jamoasi yil oxirida 900 million so‘mlik daromad olishni niyat qilgan.
Yana ko‘ring
13 535 ta ta’lim krediti ajratildi
“Mikrokreditbank”: 12 ming nafarga yaqin xotin-qizlarning bandligi taʼminlandi
