— Bugungi kunda yurtimizda tadbirkorlik qilaman, degan kishiga keng shart-sharoitlar yaratilib, beqiyos imtiyoz va imkoniyatlar yaratilgan. Bundan unumli foydalanyotganlar esa juda ko'p. Shular orasida o'zim ham borligimdan faxrlanaman. Chunki mehnat qilib, ozgina bo'lsa-da, mamlakat ravnaqiga hissa qo'shish sharafli ish-da.
Bundan bir necha yil avval tikuvchilik korxonasini tashkil etish g'oyasi ustida o'ylab yurardim va uni ro'yobga chiqarish uchun puxta biznes-reja tuzdim. Uni “Mikrokreditbank”ning mutaxassislariga taqdim etgandim, ular loyihamni qo'llab-quvvatlashdi. Zarur mablag'ni ajratishga qaror qilishdi. Shu bilan o'z biznesmni yo'lga qo'yib oldim. hozir mazkur moliya muassasasining mijozi sifatida shu narsaga amin bo'ldimki, bank tanlab adashmagan ekanman.
Nega deganda, har safar mablag' yoki moliyaviy jihatdan maslahat zarur bo'lsa, bank xodimlariga murojaat etaman. Ular bu borada yordamlarini ayamaydilar, albatta. Buning ustiga bank tomonidan ajratilayotgan sarmoyalar imtiyozli. qaytarish shartlari oddiy.
Bu esa tadbirkorlar, ayniqsa, endigina shu sohaga qadam qo'yayotgan yosh ishbilarmonlar uchun yni muddaodir. Bundan shunday xulosa kelib chiqadiki, “Mikrokreditbank” sarmoyalari, albatta, o'z samarasini beradi.
Nasiba NIYoZOVA,
Sayxunobod tumanidagi “Sardor Tekstil Biznes”
xususiy korxonasi rahbari.
Yana ko‘ring
13 535 ta ta’lim krediti ajratildi
“Mikrokreditbank”: 12 ming nafarga yaqin xotin-qizlarning bandligi taʼminlandi
