Ilk bor “isteʼmol krediti”ni onlayn rasmiylashtirish imkoniyati yaratildi

Yurtimizda ilk bora Mikrokreditbank tomonidan “Isteʼmol krediti”ni onlayn rasmiylashtirish imkoniyati yaratildi.

“MKB mobile” ilovasi orqali 12 oy muddatgacha eng kam ish haqining 50 barobari miqdorida skoring tahlili asosida sugʼurta polisi taʼminoti bilan oferta shartnomasini tasdiqlagan holda “Onlayn isteʼmol krediti” ajratiladi.

Kredit olish tartibi quyidagicha:
1. “Qarz oluvchi” tomonidan "MKB Mobile" ilovasidagi “KREDIT” modulidan “Информация о кредитах”ga kiriladi va “Onlayn isteʼmol kredit” xizmatiga oʼtiladi;
2. Mijoz oylik ish haqi plastik kartasini, kredit muddatini (1 oydan 12 oygacha) va kredit maqsadini tanlaydi;
3. Barcha maʼlumotlar tanlangandan soʼng mijozga skoring tahlili asosida qancha miqdorda kredit olish mumkinligi (“доступная сумма” (agarda mijozning boshqa kreditlardan muddati oʼtgan qarzdorliklari mavjud boʼlsa “доступная сумма” “0” chiqadi va kredit olish imkoniyati boʼlmaydi) summasi vujudga keladi;
4. Vujudga kelgan so'mmadan oshib ketmagan holda kredit so'mmasini kiritadi hamda “Создать кредит” tugmasini bosadi. “Создать кредит” tugmasini bosgandan keyin mijoz oferta shartnoma bilan tanishib chiqib, rozilik belgisini tanlaydi va elektron tasdiqlash uchun “Далее” tugmasini bosadi. Mijoz tomonidan “Договор утвердить” qilingandan soʼng isteʼmol krediti liniyasi yaratiladi;
5. Keyingi bosqichda “Qarz oluvchi” tomonidan «MKB Mobile» ilovasidagi “KREDIT” modulidan “Мои кредиты”ga kiriladi;
6. “Qarz oluvchi” dastlab “sugʼurta polisi uchun toʼlov” tugmasini bosib, sugʼurta polisi uchun toʼlovni amalga oshiradi. Bunda, isteʼmol krediti miqdoridan va Sugʼurta tashkiloti bilan tuzilgan Bosh kelishuvdan kelib chiqqan holda sugʼurta polisi toʼlov summasi avtomatik yaratiladi va “оплатить” tugmasi bosilib, sugʼurta tashkiloti hisobraqamiga yaratilgan kredit mablagʼi hisobidan toʼlov oʼtkaziladi
7. Sugʼurta polisi uchun toʼlov amalga oshirilgandan soʼng mijozda “выдачи” tugmasi yaratiladi va “выдача” tugmasini bosib bankimiz tomonidan taʼminotchi korxona sifatida roʼyxatga olingan va bankimizda birlamchi yoki ikkilamchi hisobraqami mavjud taʼminotchi korxonani tanlab uning hisobvaragʼiga sugʼurta toʼlovidan qolgan qismini toʼlov mazmuni kredit maqsadiga mos ravishda oʼtkazilgan holda amalga oshiriladi;
8. Bank tomonidan Bosh kelishuv shartnomasi imzolangan sugʼurta tashkiloti bilan sugʼurta polisi (mijoz) tomonidan toʼlovi uchun amalga oshiriladi;
9. Sugʼurta toʼlovi amalga oshirilgan mijozlarga sugʼurta tashkiloti elektron polisni bank tomonidan belgilab berilgan manzilga elektron joʼnatib qoʼyish orqali amalga oshiriladi;
10. Bunda mijoz kredit “создать” qilayotganda quyidagicha mazmundagi kredit maqsadlaridan bittasini tanlash imkoniyati beriladi va tashkilot tanlangandan keyin mijoz tomonidan oldi-sotdi shartnomasiga asosan toʼlov ushbu tanlangan mazmuni boʼyicha amalga oshiriladi (bunda, toʼlov naznacheniyasiga kredit maqsadi, pasport seriyasi va raqami, manzili, telefon raqami boʼyicha maʼlumotlar avtomatik chop qilib borilishi kerak):

• maishiy texnika sotib olish uchun;
• mebelь mahsulotlari sotib olish uchun;
• eshik va deraza romlari sotib olish uchun;
• avtomobilga gaz balon sotib olish uchun;
• uy roʼzgʼor buyumlari sotib olish uchun;