Bank Boshqaruvining 2023-yil 10-noyabrdagi 163-5-sonli qaroriga asosan tarkibiy boʻlinmalarga joylardagi zarar bilan ishlayotgan bank boʻlinmalari faoliyatini sogʻlomlashtirish yoki tugatish yuzasidan aniq tahliliy maʼlumotlarga asoslangan takliflar berish vazifasi yuklatilgan edi.
Ushbu topshiriq ijrosini taʼminlash maqsadida Tarmoqlarni rivojlantirish boshqarmasi, Byudjet-kontrolling va hisobotlar departamenti tomonidan Qashqadaryo viloyati bank boʻlinmalari faoliyatining samarali tashkil etilganligi, ularning samaradorlik koʻrsatkichlari hamda rivojlanish istiqbollari yuzasidan tegishli oʻrganishlar oʻtkazildi.
Oʻrganishlar natijasiga asosan, Bank Boshqaruvining tegishli qaroriga asosan “Chorshanbe” bank xizmatlari markazi mijozlarini ogohlantirgan holda ularning hisobvaraqlarini roziliklariga asosan Shahrisabz filialiga oʻtkazish hamda mazkur BXMni oʻrnatilgan tartibda tugatish belgilandi.
Shahrisabz filiali xodimlari mijozlar va aholiga barcha turdagi bank xizmatlarini koʻrsatishga doimo tayyor!
Bank Axborot xizmati
