“Mikrokreditbank” ATBda o`zbek tiliga davlat tili maqomi berilganining 31 yilligi munosabati bilan “Qadring baland bo`lsin, ona tilim” shiori ostida madaniy-ma’rifiy tadbir bo’lib o’tdi. Bayram dasturida “Mikrokreditbank” Boshqaruv Raisi o`rinbosari Kamoliddin Atayev, Oʼzbekiston xalq shoiri Mahmud Toir hamda bank xodimlari ishtirok etishdi.
Tadbirda M.Toir ishtirokchilarga o‘zbek tiliga davlat tili maqomi berilganligining mazmun-mohiyati haqida ma’lumot berdi.
Shoir nutqining so`nggida o`zbek tiliga bag`ishlab yozgan she’rini o`qib berdi. Barchamizga ma’lumki, mijozlar bilan ishlash, muloqot jarayonini chiroyli tarzda yo`lga qo`yish, hujjatlarni yuritish uchun bank xodimlaridan ham o`zbek tilini mukammal bilish talab etiladi. Aynan shu masalaga e’tibor qaratish maqsadida tashkillashtirilgan bayram tadbirida “Mikrokreditbank” yoshlari tomonidan tilimizni qadrlashga undovchi sahna ko`rinishi ijro etildi hamda qiziqarli viktorinalar o`tkazildi.
Bu kabi tadbirlar “Mikrokreditbank”ning joylardagi filiallarida ham davom ettirilmoqda.
Bank Axborot xizmati
