Joriy yilning 6-8-may kunlari Bosh ofisda Chakana biznes bo‘yicha ishlayotgan xodimlarning bilim va malakalarini oshirish, ish jarayoni samaradorligini ko‘tarish maqsadida kaskad usulida seminar-trening tashkil etildi.
Seminarda 1-chorakda chakana biznes yo‘nalishida eng samarali ishlagan bankning barcha hududlaridan kelgan 25 nafar xodimlar o‘zaro tajriba almashish imkoniga ega bo‘ldi.
Trening jarayonida Bosh bankning Personalni o‘qitish va rivojlantirish markazi, Chakana biznes, Kreditlarni ma’qullash, Kreditlarni boshqarish, Call markaz, Marketing va reklama boshqarmasi, Tarmoqlarni rivojlantirish boshqarmasi, Mavrid jamoasi va boshqa departamentlardagi professional mutaxassislar tomonidan nazariya va amaliyotni uyg‘unlashtiruvchi “Master klass” darslari olib borildi.
Uch kun davom etgan “Master klass” darslari ishtirokchilar tomonidan holis baholandi hamda tinglovchilar tanloviga ko‘ra:
Personalni o‘qitish va rivojlantirish markazi (X.Mamatkulov), Chakana biznes departamenti (A.Chartayev), Kreditlarni ma’qullash departamenti (M.Abduraxmonov), Kreditlarni boshqarish departamenti (J.Urolov), Aloqa markazi (A.Abduraxmonov), Marketing va reklama boshqarmasi (J.Akramov), Tarmoqlarni rivojlantirish boshqarmasi (Sh.Bazarbayev), Mavrid jamoasi (J.Toirjonov) mutaxassislarining taqdimotlari eng yaxshi deb e’tirof etildi.
Seminar yakunida tinglovchilar bank Rahbariyati tomonidan sertifikat va o‘z ish faoliyatida erishgan natijalari bo‘yicha tashakkurnomalar bilan taqdirlandi.
Shu o‘rinda ta’kidlash kerakki, bu kabi seminar-treninglarning muhimligi va uni har chorak yakuni bo‘yicha tashkil etish maqsad qilindi.
Bank Axborot xizmati
