2 Iyun 2022
Yaqindan Samarqand viloyati Kattaqoʼrgʼon shahrida joylashgan “SHIRINTOY” MTM NTM ning rahbari Toʼxtatosh Xoliqovaning ijtimoiy tarmoqlarda oʼz mablagʼi evaziga maktabgacha taʼlim muassasasini qurgani, biroq qurilishda kamchiliklar borligi, “Mirokreditbank”ning Kattaqoʼrgʼon tuman filiali fuqaroga kredit mablagʼi ajratmayotgani sababli mutasaddi tashkilotlar litsenziya berishdan bosh tortayotgani aks etgan video tarqaldi. Mazkur holat bank mutaxassislari tomonidan oʼrganib chiqildi.
Аniqlandiki, haqiqatan ham, Toʼxtatosh Xoliqova bankning Kattaqoʼrgʼon filiali mijozi boʼlib, unga MTM binosini qurish va jihozlash uchun 3 yil imtiyozli davr asosida 180 oy muddatga yillik 1 % ustama toʼlash sharti bilan 2019 yilda 600,0 mln soʼm, 2020 yilda 1,0 mlrd. soʼm va 247,0 mln soʼm, jami 1 847,0 mln soʼm uzoq muddatli imtiyozli kreditlar ajratilgan.
Ushbu mijozning kredit mablagʼlarini ishlatilishi oʼrganilganda, kreditning 1 717,0 mln soʼmi UK "AKVAGREEN"ga “Shartnoma va smetaga asosan MTM binosini qurilish ishlari uchun” deb, qolgan 130,0 mln soʼmi “Ishtixon Grand Textil” OKga “Shartnomaga asosan MTMga qurilish materiallari olish uchun” deb oʼtkazib berilgan.
Bundan koʼrinib turibdiki, maktabgacha taʼlim muassasasi Toʼxtatosh Xoliqova aytganidek, oʼz mablagʼi evaziga emas, balki bank krediti evaziga qurilgan va jihozlangan. Chunki bankdan kredit mablagʼlari shu maqsadda oʼtkazib berilgan.
Shuningdek, 2 oy oldin MTM binosining ochilish marosimi boʼlib oʼtgan, ammo bugungacha ham faoliyati yuzasidan litsenziya olinmagan. Sababi, bogʼcha foydalanishga yarim tayyor holatda boʼlib, ayrim ishlar toʼliq tugatilmagan.
Yuqoridagi MTM boʼyicha hozirda kredit qoldigʼi 1 847,0 mln soʼm va muddati oʼtgan foiz qarzdorligi 33,3 mln soʼm (331 kundan buyon toʼlanmasdan kelinmoqda)ni tashkil etmoqda. Shuning uchun ayni damda “SHIRINTOY” MTM NTM kredit qarzdorligi yuzasidan viloyat prokuraturasi tomonidan tergov ishlari olib borilmoqda.
Koʼrinib turibdiki, murojaatdagi holatlar oʼz isbotini topmadi. Bank axborot xizmati tomonidan ushbu MTM boʼyicha qoʼshimcha maʼlumotlar taqdim etilishini bildiramiz.
Bank axborot xizmati
Avtor: Bank axborot xizmati
Yana ko‘ring
4 Dekabr 2025
Bayramda ish tartibimiz!
Dam olish kunlarida "MAVRID" ilovasidan 24/7 rejimda masofadan turib foydalanishingiz va barcha to‘lovlarni amalga oshirishingiz mumkin!
2 Dekabr 2025
MKBANK PAYSEND xalqaro pul o‘tkazmasi bilan hamkorlikni yo‘lga qo‘ymoqda
MKBANK mijozi bo‘lsangiz, pul o‘tkazmalarini yuborish yoki qabul qilib olish uchun bankka tashrif buyurishingiz shart emas.
2 Dekabr 2025
“Mikrokreditbank” ATB tizimida korrupsiyaning oldini olish choralari yanada kuchaytirilmoqda
Bank Boshqaruvi tomonidan bu kabi tadbirlar respublikaning barcha hududlarida oʻtkazilmoqda
