Joriy yilning 1-4-iyun kunlari Misr davlatining Sharm el-Sheyx shahrida Islom taraqqiyot banki guruhining 47-Yillik yigʼilishi doirasida oʼtkazilgan xususiy sektor forumida “Mikrokreditbank” АTB hamda XSRIK oʼrtasida kichik biznesni qoʼllab-quvvatlashga 50 mln. dollar ajratish boʼyicha memorandum imzolandi.
Shuningdek, mazkur forum davomida XSRIK tomonidan bankda 2022-2023-yillarda “Islomiy darcha”ni ochish yoʼnalishida texnik maslahat xizmatlari, shuningdek, qayta tiklanadigan “yashil” energetika manbalariga bogʼliq yirik loyihalarni joriy etish yuzasidan ham kelishuvlarga erishildi.
Shubhasiz, bunday hamkorlik bankimiz tomonidan koʼrsatilayotgan xizmatlar koʼlamini kengaytirishga, tadbirkorlik va kichik biznesni jadal rivojlantirishga, qolaversa, respublikamizda yangi ish oʼrinlarining yaratilishiga mustahkam zamin yaratadi.
Maʼlumot tariqasida, Mikrokreditbank va XSRIK oʼrtasidagi hamkorlik doirasida hozirga qadar 22.0 mln. АQSh dollari ajratilgan boʼlib, ushbu mablagʼlar doirasida 33 ta investitsion loyihalar moliyalashtirilib, 1500 dan ortiq ishchi oʼrni tashkil etilgan.
Shuningdek, xususiy sektor forumi doirasida International Turnkey Systems (ITS) kompaniyasi bilan muzokaralar olib borildi. ITS kompaniyasi Quvayt davlatida joylashgan boʼlib, moliyaviy institutlar, hukumat va xususiy sektor tashkilotlari uchun muhim biznes funksiyalarini qoʼllab-quvvatlaydigan ilgʼor texnologik yechimlarni taqdim etadi. Muzokaralar davomida bankda “Islomiy darcha” ochish maqsadida IT sohasida hamkorlik qilish istiqbollari muhokama qilindi.
Bank Аxborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
