
Shunday ramzlar borki, ular millionlab insonlarni birlashtiradi, umumiy qadriyatlarimizni yodga soladi va qalbimizda alohida faxr tuyg‘usini uyg‘otadi. Davlat bayrog‘i ana shunday ramzlardan biridir. U mustaqillik, birlik va Vatanga muhabbat timsoli bo‘lib, tariximiz, musaffo osmonimiz va buyuk kelajakka bo‘lgan intilishlarimizni o‘zida mujassam etadi.

Bundan 35 yil avval, 1991-yil 18-noyabrda mustaqil Oʻzbekistonning Davlat bayrogʻi qabul qilingan. Oʻshandan beri u xalqimizning gʻururi, birligi va erkinligining ramzi boʻlib kelmoqda.

Sana munosabati bilan MKBANK xodimlari poytaxtimizdagi “Gʻalaba bogʻi” yodgorlik majmuasiga borishdi.

Tashrif davomida bank xodimlari majmuadagi tarixiy eksponatlar va yodgorliklar bilan tanishish orqali Ikkinchi jahon urushida xalqimiz koʻrsatgan matonat, fidoyilik va qahramonlik haqida qimmatli maʻlumotlarga ega boʻldi.

Mazkur tashrif xodimlar qalbida Vatanga muhabbat, milliy gʻurur va ajdodlar xotirasiga hurmat tuygʻularini yanada mustahkamlashga xizmat qildi.

Ushbu tashrif shunchaki tarixiy maskan bilan tanishish emas, balki Vatan taqdiri, tinchlikning bebaho neʻmat ekani va mustaqillikning qadriga yetish haqida chuqur mushohada qilish imkoniyati ham boʻldi.
Zero, moviy, oq va yashil ranglari qalbimizga faxr bagʻishlaydigan Davlat bayrogʻimiz — xalqimizning orzu-umidlari, ezgu intilishlari, erkinligi va yorugʻ kelajagining yorqin ramzidir.

Har birimiz uchun bayrogʻimizga boʻlgan hurmat Vatanga boʻlgan muhabbatning ifodasidir. Uni eʻzozlash, tariximizni qadrlash, tinchligimizni asrash va yurt ravnaqi yoʻlida sidqidildan xizmat qilish barchamizning sharafli burchimizdir!
Bank Axborot xizmati
















