11-noyabr — O‘zbekiston kasaba uyushmalari kuni munosabati bilan MKBANKda xodimlarning ma’naviy dunyoqarashini boyitish, kitobxonlik madaniyatini yuksaltirish hamda mutolaa orqali bilim va tafakkurini rivojlantirishga qaratilgan navbatdagi kitob o‘qish soati tashkil etildi.
Tadbirda bank xodimlari o‘z sevimli asarlari haqida gapirib berish orqali badiiy adabiyotlar mutolaasiga vaqt ajratib, kitoblar orqali yangi bilimlar, hayotiy saboqlar olganini ta’kidlashdi.
Albatta, kitob inson tafakkurini charxlaydigan, qalbini ezgulikka oshno etadigan, dunyoqarashini kengaytiradigan bebaho ma’naviy manbadir. Mutolaa bilan oshno insonning fikri teran, maqsadi aniq, intilishlari yuksak bo‘ladi.
MKBANKda bunday ma’rifiy tashabbuslarning muntazam tashkil etilishi jamoada kitobxonlik muhitini mustahkamlash, xodimlarning intellektual salohiyatini oshirish va ma’naviy barkamolligini qo‘llab-quvvatlashga xizmat qiladi.
MKBANK — Birgalikda kitob o‘qiymiz!
Bank Axborot xizmati
Yana ko‘ring
“MUSTAQILLIK VA MEN” RASMLAR TANLOVI G‘OLIBLARI TAQDIRLANDI!
Tanlovda g‘oliblikni qo‘lga kiritgan ishtirokchilarga tashakkurnoma va esdalik sovg‘alari topshirildi.
