“Mikrokreditbank” АTB va Yodju texnika institutining hamkorligi yanada kengaydi

Kuni kecha “Mikrokreditbank” АTB Boshqaruv Raisining birinchi oʼrinbosari А.Hamidov va Toshkent shahridagi Yodju texnika instituti rektori J. Xudaybergenovlarning kelgusida hamkorlikda amalga oshiriladigan loyihalar boʼyicha uchrashuvi bo‘lib o‘tdi.

Unda ikki tomonlama amaldagi munosabatlar haqida fikr almashildi. Uchrashuv davomida institut tomonidan bank xodimlarining malakasini oshirish, qayta tayyorlash boʼyicha intensiv kurslar tashkil etilishi hamda bank bilan hamkorlikda innovatsion IT-laboratoriya tashkil etilishi, shuningdek, institut talabalarining bankda amaliyot oʼtashi uchun imkoniyatlar yaratilishi haqida kelishuvga erishildi.

Shuningdek, kelgusida oʼzaro hamkorlik natijasida yetuk mutaxassislar ikki tarafning umumiy yutugʼi boʼla olishiga ishonch bildirildi.

Uchrashuv so'ngida "Mikrokreditbank" АTB va Yodju texnika instituti oʼrtasida oʼzaro hamkorlik bo'yicha memorandum imzolandi.

Yodju texnika instituti hozirda moliya va buxgalteriya hisobi, biznes boshqaruvi hamda IT kabi jami 29 dan ortiq yoʼnalishda mutaxassislar tayyorlaydigan ilgʼor xorijiy taʼlim muassasasi hisoblanadi.

Bank Axborot xizmati