Joriy yilning 25-avgust kuni “Mikrokreditbank” АTBda Oʼzbek-Yapon markazi bilan hamkorlikda bankning rivojlanish strategiyasi hamda transformatsiya yoʼl xaritasida belgilangan vazifalarni muvaffaqiyatli bajarishda xodimlarning xorij tajribasini oʼrganish maqsadida, xususan, Strategik menejment hamda Personalni boshqarish yoʼnalishlari boʼyicha anʼanaviy usulda seminar-trening mashgʼuloti oʼtkazildi.

Seminar-treningni yaponiyalik taniqli mutaxassis, strategik menejment katta eksperti Tetsuo Fukuyama olib bordi.

Mazkur treningda mutaxassis tomonidan “Strategik marketing, tahlil, SWOT strategiya va boshqa tahlillar” hamda “Muvaffaqiyatning asosiy faktorlari, strategik hamkorlar va biznes-oqim” hamda “Moliyaviy rejalashtirish/Modellashtirish” mavzularida maʼlumotlar taqdim etildi.

Qiziqarli va savol-javoblarga boy tarzda oʼtgan trening bank xodimlarida katta taassurot qoldirdi hamda ishtirokchilar trening yakunida ushbu seminar kelgusidagi ish faoliyatida katta qoʼllanma boʼlishiga umid bildirishdi.