Yurtimizda tadbirkorlikni rivojlantirish, aholi daromadlarini oshirish va ularni tadbirkorlikka keng jalb qilish borasida tizimli ishlar amalga oshirilmoqda.
Kuni kecha Andijon viloyati Paxtaobod tumanidagi 2-son Kasb-hunar maktabida “Mikrokreditbank” ATB Boshqaruv raisi o‘rinbosari Ikrom Djumaniyozov va boshqa mas’ullar ishtirokida tadbirkorlar va tadbirkorlik qilish istagida boʻlgan fuqarolar bilan uchrashuv o‘tkazildi.
Unda tadbirkorlik bilan shugʻullanish istagidagi bir necha fuqarolarning murojaatlari tinglanib, mas’ullarga ushbu fuqarolarga kredit ajratish bo‘yicha topshiriqlar berildi.
Shuningdek, uchrashuvda kredit olish va maxsus dasturlardan foydalanish imkoniyatlari haqida ham ma’lumotlar taqdim etildi.
Bunday ochiq muloqotlar bank tomonidan tadbirkorlar bilan muntazam muloqot qilish, ularning takliflarini o‘rganish va amaliy ko‘mak ko‘rsatish borasidagi ishlarning bir qismi sifatida davom etadi.
Bank Axborot xizmati
Yana ko‘ring
Diqqat! MKBANK tizimida texnik ishlar olib borilmoqda!
Korrupsiyasiz bank: MKBANKda navbatdagi o‘quv seminari tashkil etildi
Seminar davomida xodimlar o‘zlarini qiziqtirgan savollarga javob olish bilan birga, bu illatga birgalikda kurashish lozimligini bildirishdi.
