Yurtimizda aholini sifatli oziq-ovqat mahsulotlari bilan taʼminlash, qishloq xoʻjaligi mahsulotlari yetishtiruvchilarini har tomonlama qoʻllab-quvvatlash borasida Mikrokreditbank tomonidan ham tizimli ishlar amalga oshirilmoqda.
Xususan, aholimizning baliq mahsulotiga boʻlgan ehtiyojini qondirish, tarmoqda yangi texnologiyalarni joriy etish, mazkur sohada faoliyat yuritayotgan xoʻjaliklar moddiy-texnik bazasini mustahkamlash maqsadida Namangan viloyati Chust tumanidagi “Rezaksoy” suv ombori hududida joylashgan “Eco Fish-Friends” korxonasining baliqchilik loyihasi moliyalashtirildi.
– Xoʻjaligimizda intensiv usulda baliq yetishtirish yoʻlga qoʻyilgan, – deydi “Eco Fish-Friends” masʼuliyati cheklangan jamiyati rahbari Bekzod Neʼmatov. – Joriy yilda xoʻjaligimizda 620 tonnadan ortiq baliq yetishtirish rejalashtirilgan. Hozirga qadar 270 tonna baliq ovlanib, xaridorlarga yetkazib berildi.
Hozirda suv havzalarida asosan tabiiy holatda baliq yetishtirilmoqda. Biroq bu baliq hajmi talabga nisbatan kam. Baliq yetishtirish hajmini oshirish uchun suv havza yuzasiga qafas (sadok) moslamalarini joylashtirib, mazkur moslamalar yordamida intensiv usulda baliq yetishtirish, birinchidan, baliq hajmini oshiradi, ikkinchidan, baliq sifatini yaxshilaydi va uchinchidan, talab asosida baliq yetishtirish imkonini beradi. Buni hisobga olgan holda ushbu baliqchilik korxonasida ham baliqlar intensiv, yaʼni sadok usulida yetishtirilmoqda.
– Faoliyat boshlaganimizga 9 yildan oshdi, – deydi Bekzod Neʼmatov. – Xoʻjaligimizda baliq parvarishlash, yetishtirish boʻyicha muayyan tajriba toʻplangan. Ana shu tajribalar, ilgʻor ish usullari faoliyatimizni samarali yuritishda muhim omil boʻlmoqda. Biz yetishtirgan baliqlar nafaqat viloyatimizda, balki “Korzinka” supermarketlari tarmogʻi orqali respublikamizning barcha hududlariga yetkazib berilmoqda.
Bundan tashqari, yaqin kunlarda qoʻshni respublikalarga ham oʻzimizda yetishtirilgan baliqlarni eksport qilish niyatidamiz. Bu borada dastlabki kelishuvlarga ham erishildi.
Yurtimizda oziq-ovqat xavfsizligini taʼminlash borasida muhim omillardan hisoblangan baliqchilik tarmogʻini rivojlantirish, xoʻjaliklarda ilgʻor tajribalar, intensiv usullar asosida baliq yetishtirish hamda bu boradagi ishlar koʻlami va sifatini oshirishga qaratilgan loyihalarni qoʻllab-quvvatlash davom ettiriladi.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
