Ijtimoiy tarmoqlarda “BEGLAMISH-SOY” ishlab chiqarish kooperatsiyasi faoliyati, fuqarolarga ajratilgan kredit mablag‘lari hamda tokzorlarni tashkil etish bilan bog‘liq holatlar yuzasidan tarqalgan murojaatlar bo‘yicha “Mikrokreditbank” ATB quyidagilarni ma’lum qiladi.
2020–2021-yillarda “BEGLAMISH-SOY” ishlab chiqarish kooperatsiyasining 321 nafar a’zosiga zamonaviy tomchilatib sug‘oriladigan tokzor tashkil etish maqsadida jami 9,63 mlrd so‘m kredit mablag‘lari ajratilgan.
Ajratilgan mablag‘lar hisobidan 172 gektar yer maydoniga zamonaviy tomchilatib sug‘orish tizimi o‘rnatilib, uzum ko‘chatlari ekilgan.
Biroq loyiha doirasida tokzorlarni to‘liq tashkil etish uchun zarur bo‘lgan beton ustunlar va simlarni o‘rnatish ishlari belgilangan tartibda amalga oshirilmagan. Natijada kooperatsiya a’zolariga tokzorlarni belgilangan tartibda ajratish bilan bog‘liq muammolar yuzaga kelgan.
Mazkur holatlar yuzasidan huquqni muhofaza qiluvchi organlar tomonidan tegishli jinoyat ishlari qo‘zg‘atilgan va sud jarayonlari o‘tkazilgan.
Kooperatsiyaning sobiq hamda keyingi rahbarlari faoliyatiga huquqiy baho berilib, sud qarorlari asosida ularga nisbatan tegishli jazolar tayinlangan.
Shu o‘rinda ta’kidlash lozimki, bank tomonidan kredit mablag‘lari amaldagi tartib va tegishli hujjatlar asosida ajratilgan. Kooperatsiya faoliyatini tashkil etish, ajratilgan mablag‘lardan maqsadli foydalanish, tokzorlarni barpo etish va uning a’zolariga yer maydonlarini taqsimlash masalalari kooperatsiya rahbariyati zimmasidagi majburiyatlar hisoblangan.
Hozirgi kunda kooperatsiyaning rahbariyati bilan bog‘liq yuqoridagi holatlar sababli loyiha doirasida fuqarolarga tokzorlarni ajratish masalasida muammolar saqlanib qolmoqda.
“Mikrokreditbank” ATB fuqarolarning murojaatlarini inobatga olgan holda, mazkur masalani qonunchilikda belgilangan tartibda o‘rganish va bank vakolatlari doirasida tegishli choralarni ko‘rishda davom etadi.
Bank fuqarolarning qonuniy manfaatlarini himoya qilish, murojaatlarini ko‘rib chiqish hamda mavjud masalalarni qonuniy yo‘l bilan hal etishga ko‘maklashish tarafdoridir.
Bank Axborot xizmati
Yana ko‘ring
Texnik muammolarga onlayn yechim!
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
MKBANKda “Jamoatchilik eshituvi” o‘tkaziladi!
Tadbirga OAV vakillari, bank mijozlari hamda sohaga qiziquvchi barcha fuqarolarni taklif etamiz!
