Mikrokreditbank mutasaddilari tomonidan Buxoro viloyatidagi qator tadbirkorlik subyektlari faoliyati o‘rganilib, ularning ishlab chiqarish quvvatini oshirish va moliyaviy ehtiyojlarini qo‘llab-quvvatlash masalalari muhokama qilindi.
Jumladan, Romitan tumanida faoliyat yuritayotgan “Urganjiyonlik Haydar Ota” MCHJda amalga oshirilayotgan qishloq xo‘jaligi mahsulotlarini saqlashga mo‘ljallangan zamonaviy muzlatgichli omborxona loyihasi bilan tanishildi. Loyiha doirasida omborxona quvvatini yiliga 850 tonnadan 1 800 tonnaga yetkazish, 20 ta yangi ish o‘rni yaratish hamda hududda agrologistika infratuzilmasini yanada rivojlantirish rejalashtirilgan.
Shuningdek, bank mutasaddilari Buxoro shahridagi “Premium Napoleon” MCHJ faoliyatini ham o‘rgandilar. Korxonada 20 nafardan ortiq xodim mehnat qilib, 40 dan ziyod turdagi qandolat va shirinlik mahsulotlari ishlab chiqarilmoqda.
O‘rganishlar davomida korxonaning tayyor mahsulotlarni xaridorlarga tezkor va sifatli yetkazib berish imkoniyatlarini kengaytirish maqsadida qo‘shimcha maxsus jihozlangan yuk avtotransport vositalarini xarid qilish uchun 1 mlrd so‘m miqdorida kredit mablag‘iga ehtiyoj mavjudligi aniqlandi. Mazkur ehtiyojni qisqa muddatlarda qoplash va kredit mablag‘ini ajratish yuzasidan tegishli choralarni ko‘rishga kelishib olindi.
Bank mutasaddilari bunday loyihalarni qo‘llab-quvvatlash hududlarda ishlab chiqarish quvvatini oshirish, yangi ish o‘rinlari yaratish hamda tadbirkorlikni yanada rivojlantirishga xizmat qilishini ta’kidladilar.
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
