“Kitob o‘qish soati”da “Dunyoning ishlari” asari mutolaa qilindi

Har bir yaxshi kitob insonni o‘ylantiradi, qalbini boyitadi va hayotga boshqacha nigoh bilan qarashga undaydi.

Navbatdagi “Kitob o‘qish soati” uchun O‘tkir Hoshimovning qalblarni ezgulikka chorlaydigan va kitobxonlar qalbidan chuqur joy olgan “Dunyoning ishlari” asari tanlandi.

Mutolaa davomida xodimlar asarda ulug‘langan ona mehri, insoniylik, mehr-oqibat, fidoyilik va hayotning eng muhim qadriyatlari haqida fikr almashdilar. Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.

Tadbir yakunida ishtirokchilar asar yuzasidan tuzilgan test savollariga javob berib, o‘zlarini ta’sirlantirgan parchalarni o‘qib berish orqali o‘z bilim va mulohazalarini namoyon etdilar. Eng faol kitobxonlar esdalik sovg‘alari bilan taqdirlandi.

Ahamiyatlisi, bank xodimlari har o‘qilgan sahifa yangi g‘oya, yangi ilhom va yangi marralar sari dadil qadam ekanligini ta’kidlashdi.

MKBANK — Birgalikda kitob o‘qiymiz!

Bank Axborot xizmati