Mikrokreditbank aksiyadorlik tijorat banki tomonidan yoshlarda jamg‘arish madaniyatini shakllantirish, banklarga bo‘lgan ishonchni oshirish, raqamli bank xizmatlaridan foydalanish bo‘yicha ko‘nikmalarni yaratish maqsadida “World saving days” (Butunjahon jamg‘arish kuni) xalqaro tadbirlari o'tkazildi. Ushbu bayram an’anaga muvofiq AQSH, Kanada, Yevropa davlatlari va ko‘plab mamlakatlarda 1924-yildan buyon nishonlanib kelinmoqda.
Uning asosiy maqsadi mablag‘larni tejash g‘oyasini qo‘llab-quvvatlash va saqlab qolishdan iborat. Shuningdek, bu bilimlar har bir odam uchun foydali va kerakli hisoblanadi.
Bir necha yildan buyon ushbu sana doirasida Mikrokrditbank ham O‘zbekiston Markaziy banki tashabbusiga qo‘shilgan holda turli hududlar ta’lim muassasalarida qator uchrashuvlar o‘tkazib kelmoqda.
Joriy yilda ham bank mutaxassislari Samarqand viloyati Samarqand shahridagi 42,51,49,43,48 va Surxondaryo viloyati Termiz shahridagi 7,9,10,15,26, Andijon viloyati Buloqboshi tumanidagi 27,43,25, 10-maktablarda “Moliyaviy xavfsizlik - firibgarlardan ehtiyot bo‘ling” mavzusida darslar tashkil etildi. Bank xodimlari o‘qituvchi va o‘quvchilar bilan har bir inson hayotida jamg‘armalarning o‘rnini muhokama qilishdi. Misollar asosida moliyaviy savodxonlik, mablag‘larni to‘g‘ri taqsimlash va o‘z kelajagiga sarmoya qilish haqida tushuntirishdi.
Dars davomida faol ishtirok etgan va interaktiv o‘yin g‘oliblariga bankning esdalik sovg‘alari berildi.
Bundan tashqari, Samarqand iqtisodiyot va servis instituti va Termiz davlat universitetida ham shu mavzusida darslar tashkil etildi. Dars davomida faol ishtirok etgan talabalarga bankning esdalik sovg‘alari topshirildi.
Yoshlarning moliyaviy savodxonlik darajasi va jamg‘arish madaniyatini rivojlantirishga katta e’tibor qaratish juda muhim.
Bank Axborot xizmati
Yana ko‘ring
“Kitob o‘qish soati”da “Men sevgan kitob” tanlovi
Tadbir yakunida “Eng ilhomlantiruvchi parcha”ni o‘qib bergan xodimlar esdalik sovg‘alari bilan taqdirlanishdi.
MKBANK shanba va yakshanba kunlari ham ishlaydi
MKBANKda “Ommaviy diktant” tanlovi tashkil etildi
Bank jamoasi diktant yozishni yoshlik va maktab davrlarini eslatuvchi begʻubor damlarga qiyoslashdi.
