“Mikrokreditbank” ATBda mijozlarga ko‘rsatilayotgan xizmatlar sifatini yanada oshirish hamda kredit ajratish jarayonlarining samaradorligini kuchaytirish maqsadida CRM ELMA kredit konveyeri tizimini kompleks auditdan o‘tkazish rejalashtirilmoqda.
Bank tomonidan mijozlarga tezkor va sifatli xizmat ko‘rsatishni ta’minlash maqsadida “Tune Consulting” MChJ bilan hamkorlikda CRM ELMA kredit konveyeri tizimi joriy etilgan bo‘lib, ayni paytda ushbu platforma orqali mijozlarga xizmat ko‘rsatib kelinmoqda.
Loyihaning navbatdagi bosqichida tizimning barqaror, uzluksiz va xavfsiz faoliyatini ta’minlash, mavjud biznes hamda texnik jarayonlarni chuqur tahlil qilish, shuningdek, aniqlangan kamchiliklarni bartaraf etish bo‘yicha kompleks audit ishlari amalga oshiriladi. Shu munosabat bilan yaqin kunlar ichida audit uchun texnik topshiriq (TZ) ishlab chiqib, pudratchi tashkilotlardan dastlabki tijorat takliflarini olish hamda audit loyihasi bo‘yicha tanlov jarayonlarini tashkil etish rejalashtirilgan.
Mazkur audit natijalari CRM ELMA kredit konveyeri tizimini yanada takomillashtirish, kreditlash jarayonlarini optimallashtirish va mijozlarga ko‘rsatilayotgan xizmatlar sifatini yangi bosqichga olib chiqishga xizmat qiladi.Bank Axborot xizmati
Yana ko‘ring
Endi KWIKPAY xalqaro pul o‘tkazmalari xizmati MKBankning Mavrid ilovasida!
Olmaliq va Chirchiq shaharlarida maxsus kassalar tashkil etildi
