Yurtimizda aholini sifatli oziq-ovqat mahsulotlari bilan ta’minlash maqsadida ushbu tarmoqni har tomonlama qoʻllab-quvvatlash borasida Mikrokreditbank tomonidan ham tizimli ishlar amalga oshirilmoqda.
Xususan, aholining turli shirinlik mahsulotlariga boʻlgan ehtiyojini qondirish, tarmoqda yangi texnologiyalarni joriy etish, mazkur sohada faoliyat yuritayotgan tadbirkorlarning moddiy-texnik bazasini mustahkamlash maqsadida, bank tomonidan Xorazm viloyati Urganch tumanidagi “Ganja Vali Shirinliklari” loyihasi moliyalashtirildi.
Bankdan ajratilgan 10,5 mlrd. so‘mlik kredit mablag‘lari evaziga loyiha faoliyatini yanada rivojlantirish, jumladan, aholiga qandolat va non mahsulotlarini ishlab chiqarish hamda sotish faoliyatini kengaytirish maqsadida, Turkiya davlatidan zarur ishlab chiqarish uskunalari sotib olindi.
Albatta, bugungi kunda, qandolatchilik va non mahsulotlarini ishlab chiqarishga, ushbu mahsulotlarning mahalliy bozor talabini qondirishga va ishlab chiqaruvchilarga berilayotga ko‘plab imtiyozlar, ishlab chiqarishning o‘sishiga hamda ushbu mahsulotlarni qadoqlash, saqlash va oxirida iste’molchiga yetib borishini ta’minlash maqsadida, qandolat mahsulotlariga bo‘lgan talabning ham o‘sishiga, shu bilan birga ushbu sohada ishlab chiqarilayotgan mahsulot sifatini doimiy oshirib borishiga sabab bo‘lmoqda.
E’tiborlisi, “Ganja Vali Shirinliklari” korxonasida ushbu loyihani amalga oshirish orqali qo‘shimcha yangi turdagi qandolat va non mahsulotlari ishlab chiqarish rejalashtirilmoqda. Buning evaziga korxonada yana 20 ta yangi ish o‘rni tashkil etilib, jami xodimlar soni 50 nafardan ortadi.
Bank Аxborot xizmati
