Ta’kidlash kerakki, korrupsiyaga qarshi kurashishda davlat siyosatining samarali amalga oshirilishini ta’minlash hamda korrupsiya ko‘rinishlarining oqibati bilan emas, balki sabab va shart-sharoitlarini bartaraf etish muhimdir.
Ana shu maqsadda “Mikrokreditbank” ATBning barcha hududiy boshqarmalarida navbatdagi o‘quv seminari bo‘lib o‘tdi. Unda Bosh bank xodimlari, hududiy boshqarma mas’ullari, viloyat hamda tuman prokuraturasi xodimlari, tuman IIB xodimlari ishtirok etishdi.
Mazkur tadbirda mas’ullar bank xodimlari orasida korrupsiyaga yo‘l qo‘ymaslik, uning oqibatlari, qonunchilikda jazo muqarrarligi to‘g‘risida fikr bildirilib, korrupsiyaga qarshi kurashda hamma bir bo‘lib kurashishi, koruppsiyon holatlarning oldini olish va unga yol qo‘ymaslik, ushbu illatga kurashishda barcha birdek mas’ul ekanligi ta’kidlab o‘tildi.
Shuningdek, bank xodimlari tomonidan poraxo‘rlik, mansab mavqeini suiiste’mol qilish bilan bog‘liq jinoyatlarning sodir etilishi davlat xokimiyatining obro‘sizlanishiga, davlatning siyosiy, iqtisodiy, huquqiy tizimiga putur yetishiga, mijozlarimizning bankka bo‘lgan ishonchi yo‘qolishiga olib kelishi, shu bois ushbu illatga qarshi kurashish va barham berish davlatimizning, bankimizning ustuvor yo‘nalishlardan biriga aylanishi ta’kidlandi.
Tabdir so‘ngida seminar ishtirokchilari o‘zlarini qiziqtirgan savollarga javob olishdi va har bir rahbar va xodim korrupsiya holatlarining har qanday koʻrinishlariga nisbatan murosasiz munosabatda boʻlishga hamda oʻz xizmat vazifalarini halol va xolis bajarishga tayyor ekanliklarini qayd etishdi.
Abu Nasr Forobiy “Fozil odamlar shahri” asarida fuqarolik jamiyatini qurishda to‘g‘anoq bo‘ladigan muammolardan biri ta’magirlikdir, deb qayd etgan. Haqiqatdan ham, korrupsiya – taraqqiyot kushandasi, xavfsizlikka tahdid tug‘diruvchi xavfli jinoyat. Bu illatga qarshi kurashish tegishli organlarninggina emas, barchaning ishi bo‘lishi zarur. Shundagina biz ushbu xavfni bartaraf etgan bo‘lamiz.
Bank Axborot xizmati
Yana ko‘ring
MKBANK bilan Eskrou xizmatlarini dam olish kunlari ham amalga oshira olasiz
Yoshlik mahallasida tadbirkorlik loyihalari o‘rganildi
MKBANK rahbariyati “Dolzarb 40 kunlik” doirasida mahallalarni o‘rgandi
Aniqlangan masalalarni hal etishda bankning hududiy bo‘linmalari hamda “mahalla yettiligi” bilan hamkorlikni yanada kuchaytirish bo‘yicha tegishli vazifalar belgilandi.
