Ijtimoiy tarmoqlarda O‘zbekiston Respublikasi Prezidentining 2026-yil 11-sentabrdagi PF-193-sonli Farmoni ijrosi hamda oilaviy tadbirkorlikni rivojlantirish dasturlari doirasida kreditlar ajratilishi yuzasidan bildirilgan fikrlar bo‘yicha quyidagilarni ma’lum qilamiz.
Bugungi kunda oilaviy tadbirkorlikni rivojlantirish dasturlari doirasidagi imtiyozli kreditlar amaldagi normativ-huquqiy hujjatlar, jumladan, O‘zbekiston Respublikasi Prezidentining 2024-yil 2-apreldagi PQ-149-sonli qarori asosida ajratib kelinmoqda.
Prezidentimizning 2026-yil 11-sentabrdagi PF-193-sonli Farmoniga muvofiq, oilaviy tadbirkorlikni rivojlantirish va yoshlar tadbirkorligi dasturlari doirasidagi imtiyozli kredit resurslarini boshqarish vakolati tuman (shahar) shtablariga o‘tkazilgan. Bunda kreditlash yo‘nalishi, miqdori, muddati, imtiyozli davri va to‘lov grafigi kabi shartlar mahalliy sharoit hamda loyiha xususiyatidan kelib chiqib belgilanadi.
Hozirda Oilakredit.uz platformasida tuman (shahar) shtablari tomonidan tegishli qarorlarni shakllantirish, o‘zgartirish va tasdiqlash imkoniyatlari yaratilgan. Shtab qarorlari to‘liq tasdiqlanganidan so‘ng, ularning ilovasida ko‘rsatilgan o‘zini o‘zi band qilgan fuqarolar va tadbirkorlik subyektlari platforma orqali ariza taqdim etishlari mumkin.
Shuningdek, PF-193-sonli Farmonning 16-bandida nazarda tutilgan foizsiz kredit mablag‘lari PF-258-sonli Farmon doirasida belgilangan maqsadlar uchun yo‘naltiriladi.
“Mikrokreditbank” ATB o‘z faoliyatini amaldagi qonunchilik hujjatlari va belgilangan tartiblar asosida amalga oshiradi. Kredit olish istagidagi fuqarolarga tegishli shartlar va ariza berish tartibi yuzasidan bankning rasmiy kanallari orqali ma’lumot olish tavsiya etiladi.
Bank Axborot xizmati
Yana ko‘ring
Mikrokreditbank va Yutong Hong Kong hamkorlikni rivojlantirmoqda
MKBANK - TAF!26 Toshkent reklama festivalida
