Ilmsiz taraqqiyot boʻlmaydi – jaholat saodatmand etmaydi. Prezidentimiz Shavkat Mirziyoyev taʻkidlaganidek, “Jaholatga qarshi – maʻrifat”ni qurol qilsakkina maʻrifatli, saodatli boʻlib, jaholatga qarshi kurasha olamiz.
Kuni kecha MKBANKning Bosh ofis binosida “Jaholatga qarshi maʼrifat bilan kurash - davr talabi” mavzusida maʻnaviy-maʻrifiy suhbat boʻlib oʻtdi.
Tadbirda Bank Boshqaruv raisi va Boshqaruv raisi oʻrinbosarlari, Bosh ofis xodimlari, hududiy boshqarmalar va filiallari xodimlari ishtirok etishdi.
Mazkur davra suhbatida Din ishlari boʻyicha qoʻmita raisining matbuot kotibi – Axborot siyosati masalalari boʻyicha maslahatchisi Ilhom Maʻrupov oʻz maʻruzasi bilan qatnashdi.
Tadbirda din, aslida, tinchlik va ezgulikni targʻib qilishi, dindan turli nopok maqsadlarda foydalanishga yoʻl qoʻymaslik hamda yoshlarimizning diniy, dunyoviy, ahloqiy va ilmiy salohiyatini yuksaltirish, maʼnaviy va diniy aqidaparastlikning har qanday koʻrinishlarining oldini olish, yurt istiqboli uchun sadoqat va tinchlikni asrash bilan bogʻliq jihatlarni shakllantirish kabi mavzular haqida soʻz bordi.
Shuningdek, davlat tomonidan vijdon va eʻtiqod erkinligi, diniy va dunyo ilmlarini birdek oʻrganish borasida olib borilayotgan islohotlarga ham toʻxtalib oʻtildi.
Tadbir yakunida ishtirokchilar oʻzlarini qiziqtirgan savollarga javob olishdi.
Bank Axborot xizmati
Yana ko‘ring
Bayram kunlarida ham to‘lovlar nazorat ostida
Qurbon Hayiti munosabati bilan dam olish kunlari ham MKBANK ishlaydi
