“Mikrokreditbank” ATB Jizzax viloyat hududiy boshqarmasida bank xodimlari uchun korrupsiyaga qarshi kurashish, halollik va shaffoflik tamoyillarini mustahkamlashga qaratilgan o‘quv-seminar tashkil etildi. Mazkur tadbir bank sohasida xizmat sifatini oshirish, mijozlar ishonchini mustahkamlash hamda korrupsion holatlarning oldini olishga xizmat qiladi.
O‘quv jarayonida ishtirokchilarga korrupsiyaning salbiy oqibatlari, uning iqtisodiyot va jamiyat rivojiga ta’siri haqida batafsil ma’lumotlar berildi. Shuningdek, amaldagi qonunchilik, ichki nazorat tizimlari va korrupsiyaga qarshi kurashishning zamonaviy usullari muhokama qilindi.
Seminar davomida mutaxassislar tomonidan real hayotiy misollar asosida tushuntirishlar berilib, xodimlarning muammoli vaziyatlarda to‘g‘ri qaror qabul qilish ko‘nikmalarini shakllantirishga alohida e’tibor qaratildi. Interaktiv savol-javoblar, guruhli muhokamalar orqali ishtirokchilarning bilim va tajribalari boyitildi.
Tadbir yakunida bank xodimlari o‘z faoliyatida halollik, mas’uliyat va qonun ustuvorligini ta’minlash muhimligini yana bir bor ta’kidlab, korrupsiyaga qarshi murosasiz munosabatni shakllantirish zarurligini bildirdilar.
Bunday o‘quv-seminarlarning muntazam o‘tkazilishi bank tizimida ochiqlikni kuchaytirish, xizmatlar sifatini yaxshilash hamda jamiyatda korrupsiyaga qarshi kurash madaniyatini yuksaltirishda muhim ahamiyat kasb etadi.
Bank Axborot xizmati
Yana ko‘ring
Kitob – eng yaqin do‘stimiz: MKBANKda navbatdagi kitob yarmarkasi
“BOOK.uz” bilan hamkorlikda tashkil etilgan ko‘rgazmada 2 000 ga yaqin ilmiy va badiiy kitoblar namoyish etildi.
MKBANKda “Kitob o‘qish soati” intellektual tanlovga aylandi
Kitob – eng yaqin do‘st! MKBANK ma’naviyat va ma’rifat sari intilish yo‘lida bunday loyihalarni muntazam davom ettiradi.
