“Kitob o‘qish soati”da “Savdo sanʼati” asari o‘qildi

Savdo faqatgina mahsulot sotish emas, balki gʻoyalarni oʻtkazish, odamlar bilan kelishish va hayotda xohlagan narsangizga erishish sanʼatidir!

MKBANKda yana bir kitob mutolaasi bo‘yicha “Kitob o‘qish soati” Boshqaruv raisi o‘rinbosari Sodir Meliboyev va bank yoshlari bilan tashkil etildi.

Chellenj uchun amerikalik mashhur milliarder, biznes sohasidagi bestseller kitoblar muallifi Grant Kardonning “Savdo sanʼati. Biznes va hayotda maqsadlaringizga erishish yoʻli” asari tanlandi.

Boshqaruv raisi o‘rinbosari Sodir Meliboyev tadbirning muhimligi, maqsadi haqida gapirar ekan, yoshlarga kitob o‘qish bo‘yicha o‘z tavsiyalarini ham berib o‘tdi.

Shundan so‘ng xodimlarning asardan olgan taassurotlari, savdo san’atida muhabbat va ishonchning o‘rni muhokama qilindi. 

Eng muhimi, muallifning asarlari kitobxonlarga sotuv strategiyalari, shaxsiy oʻsish va 10X qoidalarini oʻrgatishi, Kardon kitoblari faqat oʻqish uchun emas, balki ularni hayotga tatbiq etish uchun yozilgani qayd etildi.

“Kitob o‘qish soati”da g‘oliblar kitob yuzasidan tuzilgan 15 ta testni ishlash va esse yozish orqali aniqlandi hamda esdalik sovg‘alar bilan taqdirlanishdi.

MKBANK - Birgalikda kitob o‘qiymiz!

Bank Axborot xizmati