Korrupsiya dunyo miqyosida hal etilishi lozim bo‘lgan global muammolardan biridir. Ushbu illat har qanday davlat va jamiyatning siyosiy-iqtisodiy rivojlanishiga jiddiy putur etkazib, inson huquq va erkinliklarining poymol bo‘lishiga olib keladi. Shu bois har bir shaxs o‘zida bunga nisbatan o‘zida immunitet shakllantirishi va murosasiz javob berishga qodir bo‘lishi lozim.
Bilamizki, davlatimiz rahbari ko‘plab ma’ruza va chiqishlarida loqaydlik, beparvolik, poraxo‘rlik, korrupsiya, soxtakorlik, mansab vakolatini suiiste’mol qilishga qarshi kurash butun jamiyatning maqsadiga aylanishi kerakligi to‘g‘risida bot-bot ta’kidlab o‘tadilar.
Ana shu g‘oyani bank xodimlari uchun ham shiorga aylantirish maqsadida, “Mikrokreditbank” ATB Qoraqalpog‘iston Respublikasi hududiy boshqarmasi va BXO, BXMlarda ishlovchi xodimlar uchun navbatdahi o‘quv-seminari tashkil etildi.
O‘quv mashg‘ulotlari davomida korrupsiya holatlarining har qanday koʼrinishlariga nisbatan murosasiz munosabatda boʼlish va unga qarshi ayovsiz kurashish borasida maʼlumotlar berildi.
200 nafardan ortiq xodimlar ishtirok etgan o'quv seminari savol-javoblar va qizg‘in munozarlar tarzida o‘tdi.
Seminar so‘ngida bank xodimlari testdan o'tkazildi va yuqori ball olganlar munosib rag‘batlantirildi.
Shuningdek, kunning ikkinchi yarmida bank xodimlari huquqni muhofaza qiluvchi organlar bilan hamkorlikda davra suhbati ham tashkil etildi.
Ochiq muloqat tarzida o‘tkazilgan davra suhbati davomida aholining huquqiy ongi hamda huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirishda O‘zbekiston Respublikasi Qonun va qonun osti hujjatlari bilan ishlash, ularning mazmun-mohiyati, zamonaviy aksilkorrupsion tizimlarni joriy etish to‘g‘risida o‘zaro fikrlar almashildi.
Shuningdek, tadbir oxirida korrupsiyaga qarshi kurashish, muntazam ravishda amalga oshirilishi zarur bo‘lgan dolzarb vazifalardan biriga aylanishi lozimligi ta’kidlandi.
Bank Axborot xizmati
Yana ko‘ring
MKBANK — Silk Road Finance & Technology Forum 2026’da!
MKBANK vakillari xalqaro ekspertlar va texnologik kompaniyalar bilan tajriba almashib, moliyaviy xizmatlarni yanada rivojlantirish va mijozlar uchun qulay raqamli yechimlarni joriy etish bo‘yicha yangi imkoniyatlarni o‘rgandi.
MKB Premium Plus — biznes uchun qulayliklar bir paketda
