Ma’lumki, joriy yilning 22-aprel kuni O‘zbekiston Respublikasining “Kreditorlarning garov bilan taʼminlangan talablarini qanoatlantirish tizimi yanada takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi Qonuni imzolandi.
Mazkur Qonunga asosan, kreditorlarning garovdagi mulkka nisbatan huquqlari ustuvorligini taʼminlash, kreditorlar talablarini suddan tashqari tartibda qondirish tizimini rivojlantirish, majburiyatlarni garovdagi mol-mulk hisobidan undirish jarayonlarini soddalashtirishni nazarda tutuvchi bir qator oʻzgartirish va qoʻshimchalar kiritildi.
Jumladan, ushbu qonunda Fuqarolik kodeksiga, “Garov toʻgʻrisida”gi, “Ipoteka toʻgʻrisida”gi hamda “Sud hujjatlari va boshqa organlar hujjatlarini ijro etish toʻgʻrisida”gi qonunlariga quyidagi oʻzgartirish va qoʻshimchalar kiritildi:
Misol uchun, kredit qarzdorligi miqdori juda arzimas boʻlganda undiruv garov mulkiga qaratilmasligi qonunchilikda koʻrsatilgan boʻlsa-da, uning miqdori aniq belgilanmaganligi sababli bu norma amaliyotda turlicha talqin etilib kelinmoqda edi. Shu sababli, qonun bilan kredit qarzdorligi summasi garov qiymatining 15 foizidan kam boʻlsa hamda kredit toʻlovini kechiktirish ketma-ket 3 oydan kam boʻlsa, undiruv garov mulkiga qaratilmasligi belgilandi.
Qonun bilan taraflarning roziligi mavjud boʻlgan hollarda, undiruvni garovdagi mulkka qaratishni sudning ishtirokisiz amalga oshirish mumkinligi nazarda tutilmoqda. Ushbu qonunga qadar esa kreditdan qarzdorlikni qoplash uchun garovdagi mulkni sotishga qarzdor va uchinchi shaxslar (masalan, turmush oʻrtogʻi) rozilik bergan taqdirda ham undiruv sud tartibida hal etilishi shart edi.
Shuningdek, “Sud hujjatlari va boshqa organlar hujjatlarini ijro etish toʻgʻrisida”gi qonunga kreditdan qarzdorlikni undirish garov mulkiga qaratilganda, mulk auksionga bozor qiymatida qoʻyilishi nazarda tutilmoqda. Bu esa bank va qarzdorlarning ortiqcha ovoragarchiligini, undiruv muddati asossiz choʻzilishini va ortiqcha sud xarajatlarining oldini oladi.
Bank Axborot xizmati
Yana ko‘ring
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
MKBANK ilk bor S&P Global Ratings xalqaro kredit reytingini oldi
Bank fuqarolardan kredit mablag‘lari yechib olish masalasini qonunchilikda belgilangan tartibda o‘rganmoqda
Shu o‘rinda ta’kidlash lozimki, bank tomonidan kredit mablag‘lari amaldagi tartib va tegishli hujjatlar asosida ajratilgan.
