Bugun “Mikrokreditbank” ATB Toshkent viloyat hududiy boshqarmasi tashabbusi bilan Toshkent tumanidagi Ijtimoiy himoya milliy agentligi binosida va Chirchiq shahridagi Yoshlar markazida “Mahalla bankirlari” hamda yordamchi agentlar uchun o‘quv-seminar tashkil etildi.
Unda “Mikrokreditbank” ATB Hududiy va ixtisoslashtirilgan yo‘nalishdagi loyihalarni boshqarish departamenti direktori G.Sanoyev, Toshkent viloyat hududiy boshqarma boshlig‘i o‘rinbosari O.Isanovlar shuningdek, Toshkent viloyatidagi Toshkent tumani, Chirchiq shahri, Yuqori chirchiq tumani, Parkent tumani va G‘azalkent tumanidagi MFYlaridan 25 nafarga yaqin “Mahalla bankirlari” hamda 80 nafardan ortiq yordamchi agentlar ishtirok etishdi.
Seminar-treningda “Mahalla bankiri” va “Yordamchi agent” haqida tushunchalar, “Mahalla bankiri” va “Yordamchi agent”larning asosiy maqsadi va vazifalari, ularning huquq va majburiyatlari, shuningdek, “Mahalla bankiri” va yordamchi agentlarni rag’batlantirish mezonlari to‘g‘risida batafsil ma’lumotlar taqdim etildi.
O‘quv-trening davomida bankimiz tomonidan mahallalarda aholiga taklif etilayotgan bank xizmatlari, tadbirkorlar bilan samarali muloqot olib borish, ishsiz fuqarolarni qiziqishlaridan kelib chiqb biznesga o‘qitish va tadbirkorlikka jalb qilish borasida ham tushunchalar berildi.
Samimiy va ochiq muloqot tarzida o‘tgan mazkur o‘quv-treningda yangi ishga qabul qilingan mahalla bankirlari ham, ularga ko‘makchi - yordamchi agentlar ham o‘zlarini qiziqtirgan savollarga javob olishdi.
Ayni damda bu kabi o‘quv-treninglar respublikamizning boshqa hududlarida ham davom etadi.
Bank Axborot xizmati
Yana ko‘ring
Andijonda mahalla agentlari uchun navbatdagi o‘quv seminari tashkil etildi
MKBANK bilan PayPorterdan tezkor pul oʻtkazmalari!
