Kuni kecha “Eltuz” saytida “Uchko‘prikda maqsadsiz sarflanayotgan “maqsadli” kreditlar” sarlavhali maqola e’lon qilindi.
Unga ko‘ra, tumanda Mikrokreditbank tomonidan 3 oydan beri biror marta kredit ajratilmagani, bu holat “Kichik kenagas” hamda “Mashat” qishloqlarida avj olgani aytilgan.
Mazkur holat o‘rganilganda, maqolada ketirilgan “Kichik Kenagas” MFY hokim yordamchisi tomonidan rasmiylashtirilgan dalolatnomaga asosan joriy yilning yanvar-oktabr oylari uchun 957 mln.so‘m imtiyozli kredit mablag‘i ajratilishi belgilangan bo‘lib, amalda 833 mln.so‘m yoki reja ko‘rsatkichiga nisbatan 87 foiz imtiyozli kredit mablag‘lari ajratilgan.
Shuningdek, “Mashat” MFYga imtiyozli kredit ajratish bo‘yicha Mikrokreditbank biriktirilmagani aniqlandi.
Shuni alohida ta’kidlash kerakki, Mikrokreditbank tomonidan O‘zbekiston Respublikasi Vazirlar Mahkamasining 2022-yil 8-iyuldagi 373-sonli qarori bilan tasdiqlangan “Oilaviy tadbirkorlikni rivojlantirish dasturlarining yagona elektron platformasi orqali kreditlar ajratish tartibi to‘g‘risida”gi Nizom talablari bo‘yicha imtiyozli kredit mablag‘lari ajratib kelinmoqda.
Mazkur nizomning 40-bandiga asosan, hokim yordamchisi tomonidan joriy yilning 1-noyabr holatiga rasmiylashtirilgan muddati o‘tgan (uch bank ish kunidan o‘tgan) dalolatnoma mavjud emas.
Xususan, Mikrokreditbank Uchko‘prik filiali tomonidan joriy yilning so‘nggi 3 oyi davomida jami 3103 mln.so‘m imtiyozli kredit mablag‘lari ajratilgan. Shundan, avgust oyida 961 mln.so‘m, sentabr oyida 1773 mln.so‘m, oktabr oyida 370 mln.so‘m imtiyozli kredit mablag‘lari ajratildi. Buning hisobidan 300 nafarga yaqin aholining bandligi ta’minlandi.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
