Ijtimoiy tarmoqlarda Fargʼona viloyatida faoliyat yurituvchi “ROSTOK-2019” nodavlat taʼlim muassasi (NTM) “Mikrokreditbank” АTB Rishton tuman filialidan 11 oydan buyon imtiyozli kredit ololmayotgani xususida tanqidiy material eʼlon qilindi.
Haqiqatan ham “ROSTOK-2019” NTM binosini jihozlash uchun bankning Rishton filialiga 36 (oʼttiz olti) oy muddatga, 6 (olti) oylik imtiyozli davr asosida, 175 000 000 (bir yuz yetmish besh million) soʼm imtiyozli kredit mablagʼlari ajratilishini soʼrab murojaat qilgan.
Biroq, ushbu nodavlat taʼlim muassasasiga Oʼzbekiston Respublikasi Prezidentining 2019-yil 7-martdagi PQ-4231 sonli “Hududlarda aholini tadbirkorlikka keng jalb kilish va oilaviy tadbirkorlikni rivojlantirishga doir qoʼshimcha chora-tadbirlar toʼgʼrisida”gi qarori doirasida 2019-yil 14-avgust kungi kredit shartnomasi asosida maktab binosini jihozlash uchun 36 (oʼttiz olti) oy muddatga yillik 8 (sakkiz) foiz ustama haq toʼlash sharti 5 (besh) oylik imtiyozli davr bilan 200 000 000 (ikki yuz million) soʼm imtiyozli kredit mablagʼlari ajratib berilgan. Shu bois “ROSTOK-2019” NTM ga ijtimoiy dasturlar doirasida imtiyozli kredit ajratishning imkoni yoʼqligi tushuntirildi hamda bankning oʼz mablagʼlari hisobidan tijorat krediti ajratilishi taklifi berildi.
“ROSTOK-2019” NTM rahbarining 2021-yil 12-avgust kungi arizasiga asosan bankning oʼz mablagʼi hisobidan taʼlim muassasasi binosini jihozlash uchun 36 (oʼttiz olti) oy muddatga, 6 (olti) oylik imtiyozli davr asosida, yillik 24 (yigirma toʼrt) foiz ustama haq toʼlash sharti bilan 175 000 000 (bir yuz yetmish besh million) soʼm kredit mablagʼi ajratib berildi.
Bank axborot xizmati
Yana ko‘ring
Chimboy va Xo‘jayli tumanlarida tadbirkorlar bilan uchrashildi!
Dam olish kunlari ham ishlaymiz!
