Ijtimoiy tarmoqlarning birida Sirdaryo viloyati Baxt shahrida istiqomat qiluvchi fuqaro Gulchinor Umrzoqova “Turmush oʻrtogʻim ish boshlashi uchun kredit ololmayati” mazmunida murojaat yoʻllab, unda “Mikrokreditbank” ATB Sirdaryo viloyat boʻlimi tomonidan kredit ajratilmayotganligini bildirgan. Ushbu murojaat yuzasidan quyidagilarni maʼlum qilamiz.
Haqiqatan ham, fuqaro G.Umrzoqova Tinchlik MFY hokim yordamchisi Z.Axmedovga imtiyozli kredit olish uchun ariza bilan murojaat qilgan. “oilakredit.uz” platformasi orqali fuqaroning shaxsini tasdiqlovchi hujjati va yashash manzili boʻyicha bir necha marta elektron soʻrov yuborilganda, uning arizasi rad etilgan.
Maʼlum boʻlishicha, fuqaro turmush oʻrtogʻi K.Umrzoqov bilan teng sherikchilik asosida “Uzum market” orqali qiymati 2 million 400 ming soʻmlik bir dona uyali aloqa vositasi xarid qilib, 1-marta bir oylik toʻlovni 90 kundan kechiktirib amalga oshirgan. Bu holatda Oʻzbekiston Respublikasining “Kredit axboroti almashinuvi toʻgʻrisida”gi Qonuniga asosan, 60 oy muddat davomida mijozga kredit ajratish taqiqlanadi.
Shuningdek, fuqarolar - G.Umrzoqova va U.Umrzoqovning ham kredit tarixida muammo yuzaga kelganligi (yomonlashgani) sababli, skoring natijalariga asosan, ularning arizasi rad etilgan. Ushbu holat bank xodimlari tomonidan fuqaroga suhbat bayoni davomida qaytadan tushuntirildi.
Shu oʻrinda mijozlarga olgan kreditlarini muddatini kechiktirmasdan oʻz vaqtida toʻlab borishlarini tavsiya etamiz. Aks holda yana qayta kredit olishga ehtiyoj tugʻilganida kredit tarixi buzilgan hisoblanadi va kredit olishda yuqoridagi kabi muammolar kelib chiqadi.
Bank Axborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
