“Telegram” ijtimoiy tarmog‘idagi “Tanqid va tahlil” kanalida tadbirkorning mulkiga taʼqiq qo‘yilgani, bank talab qilgan summa kredit oluvchi tomonidan to‘langan bo‘lsa-da, mulk ta’qiqdan chiqarilmagani bo‘yicha murojaat e’lon qilindi.
Aniqlandiki, fuqaro Qodirova Muqaddasxon 2022-yilning aprel oyida “tikuv dastgoxlari sotib olish” maqsadida “Mikrokreditbank” ATB Andijon viloyat mintaqaviy filialidan 33,0 mln. so‘m miqdorida 36 oy muddatga 6 oy imtiyozli davr asosida 14 foiz ustama to‘lash sharti bilan kredit olgan.
“Qodirova Muqaddasxon Gapurovna” oilaviy korxonasi tomonidan kredit vaqtida to‘lanmaganligi hamda 34,2 mln. so‘m qarzdorlik yuzaga kelgani sababli qarzni undirish Sud qaroriga asosan MIBga oshirilgan. Natijada tadbirkorning mulkiga taʼqiq qo‘yilgan.
Fuqaro Qodirova Muqaddasxon 2023-yil 16-oktabr kuni bankka murojaat qilib, muddati o‘tgan qarzdorlikni bartaraf etgani, 3 oylik grafik to‘lovlarni oldindan to‘lagani, hozirda 20,3 mln. so‘m qolgan muddatli kredit qarzdorligini oyma-oy grafik asosida to‘lanishiga kafolat berishini ma’lum qilib, MIB ish yurituvidan ijro xujjatini qaytarib olishni so‘ragan.
Ayni paytda, fuqaroning oilaviy sharoitini ya’ni chet elga chiqish zaruratini hisobga olib, “Mikrokreditbank” ATB Andijon viloyat mintaqaviy filiali tomonidan 2023-yil 19-oktabr kuni MIB Paxtaobod tuman bo‘limiga qarzdor M.Qodirovadan 34,2 mln. so‘m kredit qarzdorlik va pochta xarajati undirish to‘g‘risidagi ijro xujjatini qaytarish to‘g‘risida murojaat qilingan.
Bankning murojaatiga ko‘ra, M.Qodirovaga qo‘yilgan ta’qiq olindi.
Bank Axborot xizmati
Yana ko‘ring
Jamoatchilik eshituvi: 6 oyda 2 750 nafar xodim o‘qitildi, 67 ta xizmat tekshiruvi o‘tkazildi
2026-yil may oyida Korrupsiyaga qarshi nazorat departamenti tarkibida Manfaatlar to‘qnashuvining oldini olish va xaridlar ustidan nazorat qilish bo‘limi tashkil etildi.
MKBANK ilk bor S&P Global Ratings xalqaro kredit reytingini oldi
Bank fuqarolardan kredit mablag‘lari yechib olish masalasini qonunchilikda belgilangan tartibda o‘rganmoqda
Shu o‘rinda ta’kidlash lozimki, bank tomonidan kredit mablag‘lari amaldagi tartib va tegishli hujjatlar asosida ajratilgan.
