O‘zbekiston Respublikasi Prezidentining 2018-yil 23-martdagi “Bank xizmatlari ommabopligini oshirish bo‘yicha qo‘shimcha chora-tadbirlar to‘g‘risida”gi PQ-3620-son qaroriga muvofiq Mikrokreditbankda zamonaviy xizmatlar joriy qilinmoqda.
Mijozlarga bank xizmatlarini koʻrsatishda hujjatlar aylanmasini tezlashtirish, ortiqcha ovoragarchiliklarning oldini olish, kredit taʼminoti sifatida garovga olinishini lozim boʻlgan mol-mulklarning notarial hujjatlarini bank binosida rasmiylashtirishni tashkil qilish maqsadida E-notarius (Elektron notarius) platformasidan foydalanishi bo‘yicha O‘zbekiston Respublikasi Adliya vazirligi bilan kelishuvga erishildi.
Bunda E-notarius tizimi yordamida mijozning identifikatsiyadan oʻtishi, masofadan turib, notarial idora xodimi mijozni kuzatuv kamerasi orqali yuzi va ovozini yozib olishi, elektron shaklda qoʻl barmogʻi izini olishi va shaxsiy kabinetga bogʻlanish kabi ishlarni bank binosining o‘zida amalga oshirishi mumkin. Mazkur qulaylikni sinov tariqasida dastlab Toshkent shahar boshqarmasida, Toshkent va Jizzax viloyatlari bank xizmatlari ofis va markazlarida tatbiq qilish rejalashtirilgan.
“Mikrokreditbank” ATB tizimida yaqin kunlarda mamlakatimizdagi tijorat banklari orasida birinchi bo‘lib, chet el tajribasi asosida E-notarius platformasidan foydalanish to‘liq joriy qilinadi. Albatta, bu mijozlarga tezkor va sifatli bank xizmatlarini ko‘rsatishga xizmat qiladi.
Bank Axborot xizmati
Yana ko‘ring
MKB Premium Plus — biznes uchun qulayliklar bir paketda
MKBANKda Ria xalqaro pul o‘tkazmalarini yevroda olish imkoniyati yaratildi
MKBANK xodimi nufuzli musobaqada 4-o‘rinni egalladi!
Mazkur musobaqada barcha vazirlik va idoralarning 120 nafardan ortiq xodimlari FIDE qoidalari asosida bahslashdi.
