O‘zbekistonning Germaniyadagi elchixonasida O‘zbekiston va Germaniya o‘rtasida mehnat migratsiyasi va professional mobillik sohasidagi hamkorlikni rivojlantirishga qaratilgan uch tomonlama anglashuv memorandumi imzolandi.

3.png

Unda "Mikrokreditbank" asiyadorlik-tijorat banki Boshqaruv raisi Orif Boʻtayev, "International People IP GMbH and Co.KG" kompaniyasi rahbari Tomas Fyorster boshchiligidagi delegatsiya, diplomatlar, shuningdek, onlayn tarzda "German Sparkassenstiftung for International Cooperation" tashkilotining Oʻzbekistondagi rahbari Matias Vangler ishtirok etdi.

Memorandumga ko‘ra tomonlar Germaniyaning gastronomiya, logistika va go‘shtni qayta ishlash sohalaridagi korxonalariga ishga joylashtirish uchun malakali o‘zbekistonlik mutaxassislarni tanlash va tayyorlash tizimini yaratishga kelishib oldilar. Shuningdek, nemis tomoni til va kasbiy kurslar tashkil etishdan tortib viza olish, uy-joy bilan ta’minlash va migrantlarni yangi ish joyiga moslashtirishda yordam berishgacha bo‘lgan har tomonlama yordam ko‘rsatishga tayyor ekanligini ma’lum qilishdi.

1.png

Shu o‘rinda ta’kidlash kerakki, poytaxtimizda yaqinda ochilgan “International People Education GmbH” markazi direktori Akbar Faxriyevning aytishicha, ta’lim muassasasida nemis tili kurslari, shuningdek, kasbiy tayyorgarlik bo‘yicha ixtisoslashtirilgan to‘garaklar tashkil etilgan.

4.png

Amaliy hamkorlik rejasini ishlab chiqish maqsadida joriy yilning aprel oyida Germaniya delegatsiyasining O‘zbekistonga tashrifi kutilmoqda. Bunda Mikrokreditbank tashabbusi doirasida nemis hamkorlari bilan hamkorlikni muvofiqlashtiruvchi ishchi guruhi tuzilib, amaliy harakatlar rejasini ishlab chiqiladi.

Memorandumning imzolanishi O‘zbekiston va Germaniya o‘rtasida migratsiya hamda mobillik sohasida keng qamrovli sheriklik to‘g‘risidagi hukumatlararo bitimni amalga oshirishdagi muhim qadam bo‘ldi, desak adashmaymiz

Bank Axborot xizmati